Yoga Mistakes: యోగా చేస్తున్నారా? ఈ తప్పులు అస్సలు చేయకండి!

యోగా చేసేటప్పుడు చాలామంది వార్మ్ అప్ చేయకుండానే నేరుగా ఆసనాలు చేస్తారు. వార్మ్-అప్ లేకుండా ఆసనాలు వేస్తే.. గాయాలు లేదా బెణికే అవకాశం ఉంది.

యోగాభ్యాసంలో శ్వాస తీసుకోవడం, వదలడం చాలా ముఖ్యం. కానీ చాలామంది శ్వాస ఆపుకుంటారు లేదా నెమ్మదిగా శ్వాస తీసుకుంటారు. శ్వాస విధానం సరిగా లేకపోతే.. తీవ్రమైన వ్యాధులు కూడా సంభవించవచ్చు.

యోగా చేసే ముందు చాలామంది ఏదైనా తింటారు, ఇది చాలా పెద్ద తప్పు. తిన్న తర్వాత కనీసం 2-3 గంటల తర్వాత యోగా చేయాలి.

యోగా ఎల్లప్పుడూ యోగా గురువు మార్గదర్శకత్వంలో లేదా అద్దంలో చూసుకుంటూ చేయాలి. చాలామంది ఆసనాలు తప్పుగా చేస్తారు. దీనివల్ల వెన్నునొప్పి, మెడనొప్పి వస్తుంది.

చాలా మంది వారానికి ఒకటి లేదా రెండు సార్లు యోగా చేస్తారు. యోగాను రోజువారీ దినచర్యలో భాగం చేసుకోవాలి. రోజూ కనీసం 20-30 నిమిషాలు యోగా చేయాలి.

యోగా చేసిన తర్వాత కొంతసేపు విశ్రాంతి తీసుకోవడం చాలా ముఖ్యం. ఇలా చేయడం వల్ల కండరాలు, కీళ్ళు రిలాక్స్ అవుతాయి. దీని వల్ల శక్తిని తిరిగి పొందవచ్చు. కండరాల నొప్పి తగ్గుతుంది.