ప్రస్తుతం గాడిద పాల వ్యాపారం బాగా వృద్ధి చెందుతోంది. చాలా మంది గాడిద ఫామ్స్ను ఏర్పాటు చేసి లక్షల్లో డబ్బు ఆర్జిస్తున్నారు.
చిన్న పిల్లలకు గాడిద పాలు పట్టిస్తే చాలా మంచిదని నిపుణులు చెబుతున్నారు. ఎన్నో రకాల సమస్యలకు గాడిద పలు పరిష్కారమని పెద్దలు సైతం అంటుంటారు.
ఆవు, గేదె, మేక వంటి జంతువులతో పోల్చితే గాడిద పాలలో పోషకాలు ఎక్కువగా ఉంటాయని నిపుణులు చెబుతున్నారు. ఓ పరిశోధన ప్రకారం తల్లి పాలలో ఉండే పోషకాలకు సమానంగా గాడిద పాలలో ఉంటాయి.
దగ్గు, దమ్ము వంటి శ్వాస సంబంధిత సమస్యలతో బాధపడే చిన్నారులకు గాడిద పాలు ఎంతో మేలు చేస్తాయని నిపుణులు చెబుతున్నారు. ఆస్తమా ఉన్న వారికి కూడా ఇవ్వాలని సూచిస్తారు.
గాడిద పాలతో కోరింత దగ్గు, వైరల్ జ్వరాలు, గాయాలు త్వరగా నయమవుతాయి. ఇందులోని యాంటీ మైక్రోబయల్ లక్షణాలు వైరస్ల నుంచి శరీరాన్ని రక్షిస్తాయి.
చిన్న పిల్లల్లో వచ్చే కడుపు నొప్పికి కూడా గాడిదల పాలు బెస్ట్ రెమెడీగా చెబుతుంటారు. ఇందులోని లాక్టోస్ ఎముకలను బలంగా మారుస్తాయి.
గాడిద పాలకు ఇంత డిమాండ్ ఉండడానికి మరో కారణం ఎన్నో సౌదర్య ఉత్పత్తుల తయారీలో వీటిని ఉపయోగించడమే. ఇందులోని ప్రొటీన్లు యాంటీఆక్సిడెంట్లుగా పనిచేసి చర్మ కణాలను కాపాడుతాయి.
పైన తెలిపిన విషయాలు కేవలం ప్రాథమిక సమాచారంగానే భావించాలి. ఆరోగ్యానికి సంబంధించి వైద్యుల సూచనలు పాటించడమే ఉత్తమం.