Beauty Tips: శనగపిండి vs పసుపు.. ముఖానికి ఏది మంచిది ?

శనగ పిండి సహజమైన క్లెన్సర్‌గా పనిచేస్తుంది. చర్మం నుండి మొండిగా ఉన్న మురికిని తొలగిస్తుంది. ఇందులో ఎక్స్‌ఫోలియేటింగ్ లక్షణాలుండటం వల్ల చర్మం పైన ఉన్న మృతకణాల పొరను తొలగిస్తుంది.

శనగపిండిని క్రమం తప్పకుండా వాడటం వల్ల చర్మం కాంతివంతంగా మారుతుంది. జిడ్డును తగ్గిస్తుంది. ఇది చర్మాన్ని ఎక్స్‌ఫోలియేట్ చేయడంలో, మచ్చలను తగ్గించడంలో సహాయపడుతుంది.

పసుపులో ఉండే అలెర్జీ నిరోధక లక్షణాలు మచ్చలు, మొటిమలను నయం చేయడంలో సహాయపడతాయి. పసుపు, తేనె కలిపి ఫేస్ ప్యాక్ వేసుకోవడం వల్ల చర్మం కాంతివంతంగా మారుతుంది, మచ్చలు తగ్గుతాయి.

పసుపులో ఉండే యాంటీ ఆక్సిడెంట్లు చర్మాన్ని కాంతివంతం చేయడంలో సహాయపడతాయి, అలాగే వృద్ధాప్య సంకేతాలను తగ్గించడంలో సహాయపడతాయి. పసుపు  చర్మ సమస్యలను తగ్గించడంలో సహాయపడుతుంది.

మీకు జిడ్డు చర్మం ఉంటే లేదా డీప్ క్లెన్సింగ్ అవసరమైతే శనగపిండి మంచి పరిష్కారం. శనగ పిండి చాలా మంచి క్లెన్సర్ అయినందున చర్మం నుంచి జిడ్డును నియంత్రిస్తుంది.

మొటిమలు, మచ్చలు, నల్లటి మచ్చలు, వాపు వంటి చర్మ సమస్యలను తగ్గించడానికి పసుపు ఉపయోగించవచ్చు. పసుపులో ఉండే యాంటీ బాక్టీరియల్, యాంటీ ఇన్‌ఫ్లమేటరీలు మొటిమలను తగ్గించడంలో సహాయపడతాయి, 

పెరుగు, శనగపిండి, పసుపు మూడు కలిసి ప్యాక్‌లా చేసుకుని ముఖానికి, చర్మానికి పట్టించడం వల్ల సౌందర్యం పెరుగుతుంది. చర్మంపై చేరే బ్యాక్టీరియాను నాశనం చేసి, చర్మం ఆరోగ్యవంతంగా మారుతుంది.