మీ లివర్ ని దెబ్బతీసే నాలుగు వ్యాధులు ఇవే..

కాలేయానికి వాపు వచ్చే స్థితిని హెపటైటిస్ అంటారు. వైరల్ ఇన్ఫెక్షన్లు, మద్యపానం, కొన్ని మందుల వాడకం, బాక్టీరియల్ ఇన్ఫెక్షన్ వంటివి హెపటైటిస్‌కు కారణం.  

జాండీస్, ఆకలి లేకపోవడం, అలసట, వికారం, వాంతులు వంటి లక్షణాలు కనిపిస్తే హెపటైటిస్ పరీక్షలు చేయించుకోవడం మంచిది. 
 

కాలేయాన్ని ప్రభావితం చేసే తీవ్రమైన వ్యాధి లివర్ సిర్రోసిస్. ఇది కాలేయంలోని ఆరోగ్యకరమైన కణాలను నాశనం చేస్తుంది. కాలేయ పనితీరును తగ్గేలా చేస్తుంది.

కడుపులో ద్రవం పేరుకుపోవడం, చర్మంలో నిరంతర దురద, జాండీస్, తీవ్ర అలసట, ఆకలి లేకపోవడం, బరువు తగ్గడం వంటివి సిర్రోసిస్ లక్షణాలు. 
 

కాలేయంలో అధికంగా కొవ్వు పేరుకుపోతే ఆ వ్యాధిని ఫ్యాటీ లివర్ అంటారు. 

చర్మం పసుపు రంగులోకి మారుతుంది. ముఖంలో వాపు, దురద, పొడి చర్మం, ఉదరంలో వాపు, కడుపు ఉబ్బడం, కడుపు నొప్పి, బరువు తగ్గడం, ఆకలి లేకపోవడం వంటి లక్షణాలు కనిపిస్తాయి. 

చాలా త్వరగా వ్యాపించే క్యాన్సర్‌లలో లివర్ క్యాన్సర్ ఒకటి. 

కడుపు నొప్పి, కడుపు ఉబ్బరం, వాంతులు, శరీరం, కళ్ళు పసుపు రంగులోకి మారడం, చర్మం దురద, అధిక అలసట వంటివి లివర్ క్యాన్సర్ సంకేతాలు. 

పైన పేర్కొన్న లక్షణాలు కనిపిస్తే మీకు మీరుగా వ్యాధిని కన్ఫర్మ్ చేసుకోకుండా డాక్టర్‌ను సంప్రదించండి. దీని తర్వాత మాత్రమే వ్యాధిని నిర్ధారించుకోండి.