Bone health: 30 రోజుల్లో ఎముకలు బలంగా మారాలంటే.. ఈ ఫుడ్‌ తినాల్సిందే!

రాగులలో కాల్షియం పుష్కలంగా ఉంటుంది. ఇది ఎముకలను ధృడంగా చేయడానికి సహాయపడుతుంది. రాగులను డైట్ లో చేర్చుకుంటే ఎముకుల గల్లబారడం, ఎముకలు పగుళ్లు వంటి సమస్యలకు చెక్ పెట్టవచ్చు.

నువ్వుల్లో రాగి, మెగ్నీషియం, కాల్షియం, ఆరోగ్యకరమైన ఒమేగా-3 కొవ్వులు పుష్కలంగా ఉన్నాయి. వీటిలో ప్రోటీన్‌ కూడా అధికంగా ఉంది. ఈ పోషకాలన్నీ ఎముకల సమస్యలతో బాధపడేవారికి మేలు చేస్తాయి.

చియా గింజల్లో కాల్షియం అధికంగా ఉంటుంది. వీటిని తినడం ఎముకల ఆరోగ్యానికి మంచిది. చియా గింజలలో కాల్షియం, మెగ్నీషియం,  భాస్వరం వంటి ముఖ్యమైన ఖనిజాలు ఉంటాయి.  

పాలు, జున్ను, పెరుగు వంటి పాల ఉత్పత్తుల్లో కాల్షియం అధికంగా ఉంటుంది. ఇవి కూడా ఎముకల ఆరోగ్యానికి మంచివి.

మునగాకులో కాల్షియం, ఫాస్పరస్, ఇతర ఖనిజాలు పుష్కలంగా ఉంటాయి, ఇవి ఎముకలను బలోపేతం చేయడానికి, ఎముకల సాంద్రతను పెంచడానికి సహాయపడతాయి.

కాల్షియం అధికంగా ఉండే బాదం, బాదం పాలు వంటివి ఆహారంలో చేర్చుకోవడం వల్ల ఎముకల సాంద్రత పెరుగుతుంది. 

ఆరెంజ్‌లో కాల్షియం ఉంటుంది. కాబట్టి రోజూ ఆరెంజ్ లేదా ఆరెంజ్ జ్యూస్ తాగడం వల్ల ఎముకల ఆరోగ్యానికి మేలు.