వర్షాకాలంలో సీజనల్ వ్యాధులు... ఈ టిప్స్ పాటిస్తే మేలు..

వేసవి ఉక్కపోత నుండి వర్షాకాలం ఉపశమనం కలిగిస్తుందేమో గానీ, ఇది అనేక వ్యాధులు, అంటువ్యాధుల ప్రమాదాన్ని కూడా పెంచుతుంది. మన రోగనిరోధక శక్తి తగ్గుతుంది.

వర్షాకాలంలో సాధారణంగా కొన్ని వ్యాధులు ఎక్కువగా వస్తాయి. ఈ వ్యాధులు ఏమిటి? వాటిని నివారించడానికి కొన్ని నివారణ చర్యల గురించి ఇక్కడ తెలుసుకోండి.

డెంగ్యూ జ్వరం పగటిపూట కుట్టే ఈడీస్ దోమల ద్వారా వ్యాపిస్తుంది. ముఖ్యంగా ఏడిస్ ఈజిప్టి దోమ డెంగ్యూ వైరస్ ను వ్యాప్తి చేస్తుంది.  

ఏడిస్ దోమలు ఇళ్లు, భవనాలు, నీరు నిల్వ ఉన్న చోట గుడ్లు పెడతాయి. ముఖ్యంగా డెంగ్యూ వంటి వ్యాధులను వ్యాప్తి చేసేవి ఏడిస్ దోమలే.  

నిల్వ ఉన్న నీటిలో దోమలు పెరుగుతాయి, ఈ దోమలు చికున్‌గున్యా వ్యాధిని వ్యాప్తి చేయడంలో ప్రధాన పాత్ర పోషిస్తాయి.  ఏడెస్ దోమలు  చికున్‌గున్యాకు కారణమయ్యే వైరస్‌ను వ్యాప్తి చేస్తాయి.

ఆడ అనాఫిలిస్ దోమ కాటు ద్వారా మలేరియా వ్యాపిస్తుంది. ఇది వర్షాకాలంలో వచ్చే సాధారణ వ్యాధులలో ఒకటి. జ్వరం, చలి, కండరాల నొప్పులు, బలహీనత మలేరియా ప్రధాన లక్షణాలు.

టైఫాయిడ్ వ్యాధి నీటి ద్వారా వ్యాపిస్తుంది. ఈ వ్యాధి అపరిశుభ్రత వల్ల వస్తుంది. కలుషితమైన ఆహారం, నీటిని తీసుకోవడం ద్వారా టైఫాయిడ్ వ్యాపిస్తుంది.

వైరల్ ఫీవర్ కూడా సీజనల్ వ్యాధే.. సాధారణంగా వచ్చే జబ్బు, వర్షాకాలంలో ఇది ఎక్కువగా వస్తుంది. జ్వరం, జలుబు, దగ్గు వంటివి దీని సాధారణ లక్షణాలు.

ఇంట్లో లేదా మురుగు కాలువలో నీరు నిల్వ లేకుండా చూసుకోవాలి. అలాగే, ఇంట్లో దోమలను తరిమేందుకు మస్కిటో రిపెల్లెంట్స్ వాడండి.  జలుబు, ఫ్లూ వంటి సీజన్ వ్యాధులకు దూరంగా ఉండండి.   

వర్షాకాలంలో దోమల నుంచి మరింత జాగ్రత్తగా ఉండాలి. పరిసరాలను శుభ్రంగా ఉంచుకోవడంతోపాటు ఇంట్లో లేదా మురుగు కాలువలో నీరు నిల్వ లేకుండా చూసుకోవాలి