ల్యాప్‌టాప్ వాడే వాళ్లు కచ్చితంగా ఈ టిప్స్ పాటించాలి

ప్రతి 20 నిమిషాలకు 20 సెకన్లు బ్రేక్ తీసుకోండి. 20 అడుగుల దూరంలో ఉన్న వస్తువుపై దృష్టి పెట్టండి.

కళ్ళను క్రమం తప్పకుండా పరీక్ష చేయించుకోవడం అలవాటు చేసుకోండి. ఎందుకంటే దృష్టి సమస్యలను కనిపెట్టాలంటే ఇది చాలా ముఖ్యం.

లాప్‌టాప్ నుండి వచ్చే అధిక కాంతి కంటికి చికాకు కలిగిస్తుంది. ఇది తగ్గాలంటే యాంటీ గ్లేర్ లెన్స్‌లు లేదా కళ్ళజోడును ఉపయోగించండి.

లాప్‌టాప్ స్క్రీన్‌ను కంటి స్థాయికి కొద్దిగా కింద, చేతి పొడవున ఉంచండి. మీరు కూర్చున్నప్పుడు ల్యాప్ టాప్ పొజిషన్ సరిగ్గా ఉందో లేదో చెక్ చేసుకోండి. 

కళ్ళు తేమగా ఉంచుకోవడానికి తరచుగా రెప్పపాటు చేయండి. ముఖ్యంగా ఎక్కువసేపు స్క్రీన్ చూస్తున్నప్పుడు బ్లింకింగ్ చేస్తూ ఉండండి. 

లాప్‌టాప్‌ను ఎక్కువగా ఉపయోగించేవారు తప్పనిసరిగా విటమిన్ ఎ అధికంగా ఉండే ఆకుకూరలు, పండ్లు తినాలి.

ప్రతి గంటకు కనీసం 5 నిమిషాలు కంప్యూటర్‌ని చూడకుండా ఉండండి. బయట వేరే చోట చూడండి. రిలాక్స్ అవుతారు. 

కళ్ల దెబ్బతినడానికి ప్రధాన కారణం స్క్రీన్ బ్రైట్‌నెస్. మీ స్క్రీన్‌కు తగినంత బ్రైట్‌నెస్ ఉందో లేదో చెక్ చేసుకోండి.