Health: ప్రోటీన్స్ పుష్కలంగా లభించే సూపర్ ఫుడ్స్..

గుడ్లు ఓ అద్భుతమైన సహజ ప్రోటీన్ మూలం. ముఖ్యంగా గుడ్డులోని తెల్లసొనలో అధిక ప్రోటీన్ ఉంటుంది. ఒక గుడ్డులో సుమారు 6 గ్రాముల ప్రోటీన్ ఉంటుంది.

పాలు, పెరుగు, పన్నీర్,  మజ్జిగ వంటి పాల ఉత్పత్తులలో ప్రోటీన్ పుష్కలంగా ఉంటుంది. అయితే, తక్కువ కొవ్వు ఉన్న వాటిని ఎంచుకోవడం ఆరోగ్యానికి మరింత మేలు.

చికెన్, చేపలు రెండింటిలోనూ ప్రోటీన్ పుష్కలంగా ఉంటుంది. ఇది కండరాల నిర్మాణానికి, శరీర పెరుగుదలకు, మరమ్మతుకు ఎంతగానో ఉపయోగపడుతుంది.ఈ రెండింటిలోనూ వివిధ రకాల విటమిన్లు, ఖనిజాలు ఉంటాయి

కందిపప్పు, మినపప్పు, పెసరపప్పు, రాజ్మా, శనగలు వంటి పప్పు ధాన్యాల్లో ప్రోటీన్స్ పుష్కలంగా ఉంటాయి. ఈ పప్పుల్లో ఫైబర్స్, విటమిన్లు, ఖనిజాలు శరీర పెరుగుదలకు సహాయపడుతాయి.

బాదం, వాల్ నట్స్, వేరుశనగలు, అవిసె గింజలు, చియా గింజలు, పొద్దుతిరుగుడు గింజలలో ప్రోటీన్ తో పాటు ఒమేగా-3 కొవ్వు ఆమ్లాలతో సమృద్ధిగా ఉంటాయి.