Liver Damage : కాలేయాన్ని దెబ్బతీసే చెడు అలవాట్లు.. వెంటేనే ఆపేయండి

చక్కెర అధికంగా ఉండే ఆహారాలు, పానీయాలు తినడం వల్ల కాలేయంలో కొవ్వు పేరుకుపోవడానికి, ఫ్యాటీ లివర్ వచ్చే అవకాశం పెరగడానికి కారణమవుతాయి.

ప్రాసెస్ చేసిన ఆహారాలు, నూనె, కొవ్వు పదార్థాలు అధికంగా ఉండే ఆహారాలు, సోడా వంటివి కాలేయాన్ని దెబ్బతీస్తాయి. ఈ ఆహారాలు కాలేయంపై అదనపు ఒత్తిడిని కలిగిస్తాయి.  

అతిగా మద్యం సేవించడం వల్ల కాలేయ ఆరోగ్యం దెబ్బతింటుంది. ఇది కాలేయ వ్యాధులు, ఇతర ఆరోగ్య సమస్యలకు దారితీస్తుంది.

తగినంత నీరు త్రాగకపోవడం వల్ల కాలేయ ఆరోగ్యం దెబ్బ తింటుంది. కాలేయం శరీరానికి విషపదార్థాలను వదిలించుకోవడానికి సహాయపడుతుంది. తగినంత నీరు త్రాగకపోవడం వలన కాలేయంపై ఒత్తిడి పెరుగుతుంది.

అధిక బరువు, ఊబకాయం కాలేయ ఆరోగ్యాన్ని ప్రతికూలంగా ప్రభావితం చేస్తాయి. ఇది కాలేయంలో కొవ్వు పేరుకుపోవడానికి దారితీస్తుంది, 

శారీరక శ్రమ, వ్యాయామం లేకపోవడం వల్ల కాలేయ ఆరోగ్యంపై ప్రతికూల ప్రభావితం పడుతుంది. వ్యాయామం చేయడం వల్ల ఫ్యాటీ లివర్, ఇతర కాలేయ సంబంధిత సమస్యలను నివారించడంలో సహాయపడుతుంది.

నిద్ర లేమి కూడా కాలేయ ఆరోగ్యాన్ని దెబ్బతీస్తుంది.

ధూమపానం కూడా కాలేయ ఆరోగ్యాన్ని దెబ్బతీస్తుంది.