Salt Benefits: కేవలం రుచికే కాదు.. ఉప్పుతో బోలెడు ప్రయోజనాలు

ఉప్పుతో ఇంట్లోకి వచ్చే చీమలు, చిన్న కీటకాలను తరిమికొట్టవచ్చు. చీమలు వచ్చే మార్గాల్లో కాస్త ఉప్పు చల్లితే అవి పారిపోతాయి. ఇది ఖర్చు లేని, హానికరం కాని సహజమైన నివారణ మార్గం.

వంట పాత్రలను ఉప్పుతో సులభంగా శుభ్రం చేయవచ్చు. పాత్రలను నీటితో కడిగిన తర్వాత కొద్దిగా ఉప్పు చల్లి నెమ్మదిగా రుద్దితే  జిడ్డు మరకలు కూడా పోతాయి.

ఉల్లిపాయలు లేదా వెల్లుల్లి కోసిన తర్వాత చేతుల్లో ఉండే  దుర్వాసనను ఉప్పుతో సులభంగా తొలగించవచ్చు. కొద్దిగా ఉప్పును చేతుల్లో వేసుకుని నెమ్మదిగా రుద్ది, శుభ్రంగా కడిగితే వాసన పోతుంది.

తోటలో పెరిగే గడ్డి, మొక్కలను ఉప్పుతో తొలగించవచ్చు. నీరు లేదా వెనిగర్ లో కొద్దిగా ఉప్పు కలిపి ఆ మొక్కలపై స్ప్రే చేస్తే చాలు. అవి కొద్దికాలంలో చనిపోతాయి. ఇదోక కలుపు నివారణ పద్దతి.

బట్టలపై ఉన్న మరకలను తొలగించేందుకు ఉప్పు మంచి సహజ పరిష్కారం. కాసేపు నీటిలో బట్టలను నానబెట్టి, మరక ఉన్న చోట కొద్దిగా ఉప్పు చల్లి నెమ్మదిగా రుద్దితే మరకలు పోతాయి.  

ఇంట్లో చెత్త వల్ల వచ్చే దుర్వాసనను తొలగించేందుకు ఉప్పు ఉపయోగపడుతుంది. ఉప్పుతో పాటు కొద్దిగా బేకింగ్ సోడా, నిమ్మరసం కలిపి దుర్వాసన వస్తున్న ప్రదేశాల్లో వేసి శుభ్రం చేస్తే వాసన రాదు.

బాత్రూంలోని మరకలు, మురికిని తొలగించేందుకు ఉప్పు ఎంతగానో ఉపయోగపడుతుంది. ఉప్పు,  డిష్ వాష్ కలిపి రుద్ది కడిగితే బాత్రూమ్ శుభ్రంగా మారుతుంది.