Bad Breath: రోజూ బ్రష్ చేస్తున్నా నోటి దుర్వాసన వస్తుందా? కారణాలివే..

తగినంత నీరు తాగకపోవడం నోటి దుర్వాస‌నకు ఓ కారణం.  నీరు తాగకపోవడం వల్ల నోరు ఎండిపోతుంది, ఫలితంగా లాలాజల ఉత్పత్తి తగ్గి, నోటిలో బాక్టీరియా పెరుగుతుంది. కాబట్టి తరుచుగా నీటి తాగాలి. 

తిన్న తర్వాత సరిగ్గా నోరు శుభ్రం చేసుకోకపోతే ఆహారపు అవశేషాలు నోటిలో ఉండిపోతాయి. దీంతో నోటిలో బాక్టీరియాను పెరిగి, దుర్వాసన వస్తుంది.

వెల్లుల్లి, ఉల్లిపాయలు వంటి కొన్ని ఆహారపదార్థాలను అధికంగా తీసుకోవడం. ఈ ఆహారపదార్థాలు జీర్ణమైన తర్వాత రక్తంలోకి ప్రవేశించి, శ్వాసతో బయటకు వస్తాయి.  

ధూమపానం వల్ల నోరు ఎండిపోవడం, లాలాజలం తగ్గిపోతుంది. అలాగే పొగలోని రసాయనాలు నోటి దుర్వాసనకు కారణమవుతాయి. 

మద్యపానం వల్ల నోరు ఎండిపోవడంతో పాటు శరీరంలో ఉన్న ఆల్కహాల్ వాసన ఊపిరి ద్వారా బయటికి వస్తుంది. మద్యపానం వల్ల నోటిలోని ఆరోగ్యకరమైన బ్యాక్టీరియా దెబ్బతిని, దుర్వాసన వస్తుంది. 

నోటిలో దంతాలు, నాలుకపై వచ్చే వ్యాధులు మాత్రమే కాకుండా, శరీరంలోని ఇతర భాగాలకు వచ్చిన సమస్యల వల్ల కూడా నోటి దుర్వాసన వస్తుంది.  

రాత్రి భోజనం చేసిన తర్వాత బ్రష్ చేయడం చాలా అవసరం. లేదంటే పళ్ల మధ్యలో ఇరుక్కుపోయిన ఆహార అవశేషాల వల్ల బాక్టీరియా పెరిగే దుర్వాసన వచ్చే పరిస్థితి ఉంది.