ఒక చిన్న దోమ వల్ల ఇన్ని వ్యాధులొస్తాయా

మలేరియా ఆడ అనాఫిలిస్ దోమ కాటు వల్ల వస్తుంది. ఈ దోమలు మురికి,  కలుషిత నీటిలో పెరుగుతాయి.

డెంగ్యూ దోమల ద్వారా వ్యాపించే ఒక వ్యాధి. ఇది ఎయిడిస్ అల్బోపిక్టస్,  ఎయిడిస్ ఈజిప్టి జాతుల దోమల ద్వారా వస్తుంది. ఇది తీవ్రమైన జ్వరం, రక్తస్రావం,రక్తపోటులో తగ్గుదలకు దారితీస్తుంది.

పసుపు జ్వరం కూడా ఎయిడిస్ ఈజిప్టి దోమల కాటు ద్వారా వ్యాపిస్తుంది. ఇది డెంగ్యూ జ్వరం లాంటిది. ఈ జ్వరం ఆఫ్రికా,  దక్షిణ అమెరికాలోని కొన్ని ప్రాంతాలలో ఎక్కువగా వస్తుంది.

జపనీస్ ఎన్సెఫాలిటిస్ అనేది క్యూలెక్స్ దోమ లేదా ఎయిడిస్ దోమ కాటు ద్వారా వస్తుంది. దీనిని జపనీస్ జ్వరం అని కూడా పిలుస్తారు. ఇది ప్రస్తుతం భారతదేశంలో కూడా వేగంగా ప్రభావితం చేస్తోంది.

జికా వైరస్ కూడా ఎయిడిస్ దోమల కాటు ద్వారా వ్యాపించే  ప్రమాదకరమై వ్యాధి. దీనిలో తీవ్రమైన జ్వరం, శరీరంపై దద్దుర్లు, కీళ్ల నొప్పులు కలుగుతాయి. 

చికున్ గున్యా ఎయిడిస్ ఈజిప్టి, ఎయిడిస్ అల్బోపిక్టస్ కాటు ద్వారా వ్యాపిస్తుంది. దీనిలో రోగికి తీవ్రమైన తలనొప్పి, జ్వరం, వాంతులు, కండరాల నొప్పులు వంటి  లక్షణాలు కనిపిస్తాయి.

వెస్ట్ నైల్ వైరస్ కూడా దోమల ద్వారా వచ్చే ప్రమాదకరమై వ్యాధి. దీనిలో ఎలాంటి ప్రారంభలక్షణాలు కనిపించవు.

ఇంట్లో లేదా బయట మురికి నీరు నిల్వ ఉండకూడదు. సాయంత్రం ఇంటి తలుపులు, కిటికీలు మూసి ఉంచాలి. దోమల నివారణలను ఉపయోగించండి. నిండుగా దుస్తులను ధరించాలి.