గోర్లను కొరికితే ఏమౌతుందో తెలుసా?

ఆరోగ్య నిపుణుల ప్రకారం.. గోర్లను కొరికితే అంటువ్యాధులు వచ్చే ప్రమాదం ఉంది. ఎందుకంటే గోర్లలో ఉండే బ్యాక్టీరియా గాయాల ద్వారా శరీరంలోకి వెళ్లి పారోనిచియా వంటి ఇన్ఫెక్షన్లు వస్తాయి.

గోర్లను కొరికే అలవాటు వల్ల మీ పళ్లు కూడా దెబ్బతింటాయి తెలుసా? గోర్లను కొరికితే దంతాలపై ఒత్తిడి పడుతుంది. దీంతో పళ్లు విరగడం, పగుళ్లు ఏర్పడటం వంటి సమస్యలు వస్తాయి. 

గోర్లను కొరికితే ఒక్క దంతాలు దెబ్బతినడమే కాదు.. చిగుళ్లుకూడా దెబ్బతింటాయి. దీనివల్ల చిగుళ్ల వాపు, చిగుళ్ల వ్యాధి వచ్చే ప్రమాదం కూడా ఉందని డాక్టర్లు చెప్తున్నారు. 

గోర్లను కొరకడం వల్ల మీ గోర్ల బలం తగ్గుతాయి. దీనివల్ల అవి విరిగిపోయే ప్రమాదం ఉంది. అలాగే గోర్లు పెళుసులుగా కూడా అవుతాయి. 

మీకు తెలుసా? మన గోర్లలో రకరకాల బ్యాక్టీరియాలు, ఫంగస్ లు, వైరస్ లు ఉంటాయి. ఇవి మనం గోర్లను కొరకడం వల్ల నోట్లోకి వెళ్లి ఎన్నో జబ్బుల బారిన పడేస్తాయి. 

గోర్లను కొరకడం వల్ల ఒక్క శారీరక ఆరోగ్యమే కాదు..మానసిక ఆరోగ్యం కూడా దెబ్బతింటుందని నిపుణులు అంటున్నారు. గోర్లను కొరకడం యాంగ్జైటీ, స్ట్రెస్ లేదా ఉద్రిక్తతకు సంకేతం కావొచ్చు.