Oregano: దివ్య ఔషధ మూలిక ఒరెగానో.. ఈ మొక్కను పెరట్లో పెంచుకోండిలా..

ఒరెగానో..దీనిని వామజ్జిక  లేదా అడవి మర్జోరమ్ అని కూడా పిలుస్తారు. ఈ ఒరెగానోను స్పెయిన్, ఫ్రాన్స్, ఇటలీ, గ్రీస్, అమెరికాలో ఎక్కువ సాగు చేస్తారు. రుచి కారంగా, కొద్దిగా చేదుగా ఉంటుంది

ఒరెగానో ఎలాంటి మట్టిలోనైనా పెరుగుతుంది. మంచి నీటిపారుదల ఉండే మట్టిలోనే మెరుగుగా వృద్ధి చెందుతుంది. గార్డెన్ సాయిల్‌లో కొద్దిగా కంపోస్ట్, ఇసుక కలిపి నాటితే మొక్క త్వరగా పెరుగుతుంది

ఒరెగానో విత్తనాలు నాటిన తర్వాత మట్టితో కప్పి, తేలికగా నీరు చిలకరించాలి. మొక్క నాటుతున్నప్పుడు కూడా జాగ్రత్తగా ఉండాలి. కింది ఆకులను కత్తిరించిన తర్వాత మాత్రమే మొక్కను నాటాలి.

 ఒరెగానో వేడి వాతావరణంలో బాగా పెరుగుతుంది. ఈ మొక్కకు రోజుకు కనీసం 6 గంటల  సూర్యకాంతి అవసరం. తక్కువ వెలుతురులో ఎదుగుదల మందగిస్తుంది. 

ఈ ఔషద మొక్కకు ఎక్కువ నీరు అవసరం లేదు. మట్టిలో తేమ లేనప్పుడు మాత్రమే నీరు పోయాలి.

ఈ మొక్క 6 అంగుళాల ఎత్తుకు పెరిగినప్పుడు కత్తిరించాలి. ఇది మొక్క ఆరోగ్యంగా పెరగడానికి సహాయపడుతుంది.

ఒరెగానో మొక్కకు సహజంగా కీటకాలను తరిమికొట్టే గుణం ఉన్నా, కొన్నిసార్లు అఫిడ్స్, స్పైడర్ మైట్స్ వంటి కీటకాలు దాడి చేయవచ్చు. ఇలాంటి సందర్భాల్లో వేపనూనె స్ప్రే చేస్తే చాలు.