Money Plant: ఎండాకాలంలో కూడా మనీ ప్లాంట్ బాగా పెరగాలా? ఇలా చేస్తే చాలు

మనీ ప్లాంట్ కుండీలోని మట్టిలో కొద్దిగా పసుపు కలపాలి. ఇలా చేయడం వల్ల  మనీ ప్లాంట్ చాలా వేగంగా, గుబురుగా పెరుగుతుంది.  పురుగు కూడా పట్టదు. 

వాడిన టీ పొడిని బాగా కడిగి (చక్కెర పోయేలా) మొక్క మొదట్లో వేయండి. ఇది మొక్కకు అద్భుతమైన ఆర్గానిక్ ఎరువులా పనిచేస్తుంది. ఒక మీడియం సైజు కుండీకి 2-3 చెంచాల వాడిన టీ పొడి సరిపోతుంది.

ఆకులు ముదురు పచ్చగా, దట్టంగా పెరగడానికి మట్టిలో కొద్దిగా ఎప్సమ్ సాల్ట్ కలపండి. కేవలం అర టీస్పూన్ నుంచి ఒక టీస్పూన్ ఎప్సమ్ సాల్ట్ వేస్తే సరిపోతుంది.

మొక్కను నేరుగా ఎండ తగిలే చోట పెట్టొద్దు. దీనికి రోజుకు కేవలం 1 గంట మితమైన ఎండ తగిలితే చాలు.

కుండీలోని పైమట్టి ఒక అంగుళం వరకు ఆరినప్పుడు మాత్రమే నీళ్లు పోయండి. ఎక్కువగా నీళ్లు పోస్తే వేర్లు కుళ్లిపోయే ప్రమాదం ఉంది.

వారానికి ఒకటి రెండుసార్లు స్ప్రే బాటిల్‌తో ఆకులపై నీళ్లు చల్లండి. ఇలా 'షవర్' చేయిస్తే మనీ ప్లాంట్ ఆకులు మెరుస్తూ తాజాగా కనిపిస్తాయి.

పసుపు రంగులోకి మారిన, ఎండిపోయిన ఆకులను కత్తిరించి తీసేయండి. మొక్కను ట్రిమ్ చేయడం వల్ల కొత్త చిగుళ్లు వేగంగా వస్తాయి. ఆకులపై దుమ్ము లేకుండా శుభ్రంగా ఉంచాలి.