మొక్కలు బాగా పెరగాలంటే ఇలా చేయండి!

పండ్ల తొక్కలు.. మొక్కలు బాగా పెరగడానికి సహాయపడతాయి. కొన్ని పండ్ల తొక్కలను తీసుకొని నీటిలో నానబెట్టండి. రెండు రోజుల తర్వాత దాన్ని మొక్కలకు వేయండి. 

టీ బ్యాగ్ లో యాంటీఆక్సిడెంట్లు ఉంటాయి. దీన్ని మట్టిలో వేస్తే మొక్కలు బాగా పెరుగుతాయి. అయితే చక్కెర కలిపిన టీ పొడి వేయకూడదు.

బియ్యం కడిగిన నీరు, బియ్యం ఉడికిన నీరు మొక్కల పెరుగుదలకు చక్కగా పనిచేస్తుంది. ఆ నీటిలో అనేక పోషకాలు ఉంటాయి.

కాఫీ పొడిలో నత్రజని, పొటాషియం, భాస్వరం వంటివి ఉంటాయి. ఇది మట్టికి మంచిది. దీనివల్ల మొక్కలు బాగా పెరుగుతాయి.

బంగాళదుంప తొక్కలో పొటాషియం, ఐరన్ ఉంటాయి. ఇది మొక్కలకు మంచి ఎరువుగా ఉపయోగపడుతుంది.

గుడ్డు పెంకులను మొక్కలకు ఎరువుగా వాడవచ్చు. ఇందులో కాల్షియం కార్బోనేట్ పుష్కలంగా ఉంటుంది. ఇది మొక్కలు వాడిపోకుండా కాపాడుతుంది.

మొక్కలకు చీడపీడలను నివారించడానికి పసుపు మంచిది. దీని యాంటీ ఫంగల్, యాంటీ బాక్టీరియల్ గుణాలు మొక్కల వేర్లను రక్షిస్తాయి. మట్టిలో కొద్దిగా పసుపు చల్లితే సరిపోతుంది.