సీతాఫలం తింటే ఏమౌతుందో తెలుసా

సీతాఫలం ఒక సీజనల్ పండు. ఇది ఇప్పుడు తప్ప మరెప్పుడూ లభించదు. ఈ పండును తినడం వల్ల మనకు ఎన్నో ఆరోగ్య ప్రయోజనాలు కలుగుతాయి. 

ఈ తీయని పండ్లలో విటమిన్లు, ఖనిజాలు, కాల్షియం, మెగ్నీషియం, ఇనుము, పొటాషియం వంటి పోషకాలు మెండుగా ఉంటాయి. 

సీతాఫలంలో విటమిన్ సి పుష్కలంగా ఉంటుంది. అంటే దీన్ని తింటే మన రోగనిరోధక శక్తి బాగా పెరుగుతుంది. 

సీతాఫలంలో ఫైబర్ కంటెంట్ మెండుగా ఉంటుంది. ఇది మన జీర్ణక్రియకు మంచి మేలు చేస్తుంది. ఈ పండును తింటే మలబద్దకం, గ్యాస్ వంటి జీర్ణ సమస్యలు తగ్గిపోతాయి. 

రక్తహీనతతో బాధపడేవారికి సీతాఫలం మంచి ప్రయోజనకరంగా ఉంటుంది. ఈ పండులో ఉండే ఇనుము ఒంట్లో రక్తాన్ని పెంచడానికి సహాయపడుతుంది. 

అధిక రక్తపోటు పేషెంట్లకు కూడా సీతాఫలం మంచి మేలు చేస్తుంది. ఈ పండులో ఉండే పొటాషియం బీపీని కంట్రోల్ చేస్తుంది. అలాగే కళ్లను ఆరోగ్యంగా ఉంచుతుంది. 

సీతాఫలంలో విటమిన్ ఎ, విటమిన్ సి  పుష్కలంగా ఉంటాయి. ఇవి మన కళ్లను ఆరోగ్యంగా ఉంచుతాయి. కంటి చూపును మెరుగుపరుస్తాయి.