Apple: యాపిల్ పై మైనం పూత ఎలా శుభ్రం చేయాలో తెలుసా?

నీటిని బాగా మరిగించి, ఆ నీటిలో యాపిల్స్ వేసి కొన్ని సెకన్ల పాటు ముంచాలి. ఇలా చేయడం వల్ల యాపిల్ పైన ఉన్న మైనం పూత వదులుతుంది. తర్వాత క్లాత్ తో తుడిచి తినేస్తే సరిపోతుంది.

ఒక పెద్ద గిన్నెలో చల్లటి నీళ్లు తీసుకుని, అందులో ఒక టేబుల్ స్పూన్ వెనిగర్ కలపండి. ఆ నీటిలో యాపిల్స్‌ను 5 నుంచి 10 నిమిషాల పాటు నానబెట్టండి. తర్వాత శుభ్రమైన నీటితో కడగండి.

రెండు కప్పుల నీటిలో ఒక టీస్పూన్ బేకింగ్ సోడా కలపండి. ఈ మిశ్రమంలో యాపిల్స్‌ను 15 నిమిషాల పాటు నానబెట్టండి. ఇది మైనం పూతను సులభంగా తొలగించడానికి బాగా సహాయపడుతుంది.

ఒక గిన్నెడు నీటిలో ఒక టీస్పూన్ ఉప్పు కలపండి. అందులో యాపిల్స్‌ను కొన్ని నిమిషాల పాటు నానబెట్టి, ఆ తర్వాత వాటిని మంచి నీటితో శుభ్రంగా కడిగేయండి.

మైనం పూత మందంగా అనిపిస్తే, వెన్న రాసే కత్తి (butter knife) తీసుకుని తొక్కను నెమ్మదిగా గీరండి. పండుకు ఎలాంటి హాని కలగకుండా, కేవలం పై పొరను మాత్రమే తొలగించాలి.