జాన్వీ కపూర్ కి నచ్చిన రెసిపీ మీరూ ట్రై చేయండి!

జాన్వీ కపూర్ కి నచ్చిన రెసిపీ పెరుగు తడ్కా. ఈ రెసిపీని మీరు సింపుల్ గా ఇంట్లో ప్రిపేర్ చేయచ్చు. అన్నం, రోటీలోకి బాగుంటుంది.

పెరుగు, నూనె, జీలకర్ర, ఆవాలు, శనగపప్పు, మినుములు, మిర్చి, అల్లం, కొంచెం ఇంగువ, ఎండుమిర్చి, పెద్ద ఉల్లిపాయ, కొంచెం కారం, కొంచెం పసుపు, రుచికి సరిపడా ఉప్పు, కొత్తిమీర, కొంచెం వాటర్

2 కప్పుల పెరుగుని బాగా చిలికి పక్కన పెట్టుకోవాలి.

ఒక పాన్ లో 2 పెద్ద చెంచాల నూనె వేడి చేసి, 1 చిన్న చెంచా జీలకర్ర, ఆవాలు, సెనగపప్పు, మినుములు, చిటికెడు ఇంగువ వేయండి. వేగనివ్వండి.

2-3 పచ్చిమిర్చి, పెద్ద చెంచా తురిమిన అల్లం వేసి నిమిషం వేయించండి. తర్వాత ఉల్లిపాయ వేసి వేయించండి.

ఎండుమిర్చి, కారం, పసుపు వేసి కలపండి.

స్టవ్ ఆపి, చిలికిన పెరుగు వేయండి. నీళ్ళు కలిపి కావలసినంత చిక్కగా చేసుకోండి. ఉప్పు, కొత్తిమీర వేసి, రోటీ లేదా అన్నంలోకి వేడి వేడిగా వడ్డించండి.