Food
మొక్కజొన్న గింజలను మనం ఎక్కువ కాలం స్టోర్ చేసుకోవాలంటే ఫ్రీజర్ లో పెట్టాలి. గింజలను తీసి ఫ్రీజ్ చేస్తే.. సంవత్సరం పాటు సలాడ్, సూప్ లలో వాడుకోవచ్చు.
బ్రోకలీ చాలా ఖరీదైనది. బ్రోకలీని ముక్కలుగా చేసి వేడి నీటిలో బ్లాంచ్ చేయండి. తర్వాత బాగా ఆరబెట్టి జిప్ లాక్ బ్యాగ్ లేదా ఎయిర్ టైట్ కంటైనర్‌లో నిల్వ చేయండి.
గ్రీన్ బీన్స్, ఇతర ఆకుకూరలను కూడా ఫ్రీజ్ చేయవచ్చు. గ్రీన్ బీన్స్‌ని ముక్కలుగా కోసి కడిగిన తర్వాత, జిప్ లాక్ బ్యాగ్‌లో ఫ్రీజ్ చేయండి.
బఠానీల సీజన్ శీతాకాలంలోనే ఉంటుంది. ఏడాది పొడవునా బఠానీలను ఫ్రీజ్ చేయడానికి, బఠానీ గింజలను తీసి, ఉప్పు, పంచదార నీటిలో కడిగి, ఫ్రీజ్ చేయండి.
క్యారెట్లను సులభంగా ఫ్రీజ్ చేయవచ్చు. శీతాకాలంలో రుచికరమైన క్యారెట్లు వచ్చినప్పుడు, వాటిని తొక్క తీసి ముక్కలుగా కోయండి. ఉప్పు నీటిలో కడిగి, ఆరబెట్టి ఎయిర్ కంటైనర్‌లో ఫ్రీజ్ చేయండి.
టమాటాలను కూడా ఫ్రీజ్ చేసి ఉంచవచ్చు. టమాటాలు చవకగా ఉన్నప్పుడు, వాటి ప్యూరీని తయారు చేయండి. దీన్ని ఐస్ ట్రేలో నిల్వ చేసి, అవసరమైనప్పుడు గ్రేవీ లేదా సూప్‌లో వాడండి.
పాలకూరను కూడా ఫ్రీజ్ చేసి ఉంచవచ్చు. పాలకూరను శుభ్రం చేసి, దాని పేస్ట్ తయారు చేయండి. దీన్ని ఐస్ క్యూబ్‌లుగా చేసి నిల్వ చేయండి. తర్వాత పాలక్ పనీర్, పాలక్ సూప్ లేదా గ్రేవీలలో వాడండి.