ప్రపంచంలోనే అత్యంత తియ్యటి మామిడిపండు ఇదే!

ప్రపంచంలోనే అత్యంత తియ్యటి మామిడిపండు ఏదని అడిగితే, వెంటనే చెప్పాల్సిన పేరు 'కారబావో'. ఫిలిప్పీన్స్‌కు చెందిన ఈ పండు అత్యంత మధురమైన మామిడి పండుగా ప్రసిద్ధి చెందింది.

దీని అసాధారణమైన తీపి కారణంగా ప్రపంచంలోనే అత్యంత తియ్యటి మామిడి పండు రకంగా గిన్నిస్ వరల్డ్ రికార్డ్స్‌లో చోటు సంపాదించుకుంది.

పండ్లలో చక్కెర శాతాన్ని కొలిచే 'బ్రిక్స్ లెవల్'.. ఈ కారబావో మామిడి పండ్లలో చాలా ఎక్కువగా ఉంటుంది. అందుకే దీనికింత తియ్యదనం.

ఇతర మామిడి పండ్లలాగా పులుపు, తీపి కలగలిసిన రుచి దీనికి ఉండదు. మిఠాయితో పోల్చదగిన స్వచ్ఛమైన తీపి మాత్రమే దీని సొంతం.

మెరిసే బంగారు రంగులో ఉండే దీని గుజ్జులో అస్సలు పీచు ఉండదు. నోట్లో వేసుకోగానే వెన్నలా కరిగిపోతుంది. ఘుమఘుమలాడే సువాసన కూడా ఉంది. ఆ వాసనకే తినాలనే కోరిక పుడుతుంది.

అధిక చక్కెర శాతం, ప్రత్యేకమైన సువాసన, చూడచక్కని రూపం.. ఈ కారణాల వల్ల కారబావో మామిడి ప్రపంచవ్యాప్తంగా ఉన్న మామిడి ప్రియుల ఫేవరెట్ రకంగా నిలిచింది.