Food
ఎన్నో ఔషధ గుణాలున్న పసుపు మన మూత్రపిండాలకు కూడా ఎంతో మేలు చేస్తుంది. అయితే దీన్ని ఎక్కువగా తీసుకోకూడదు. పాలలో పసుపును కలుపుకుని తాగడం మంచిది.
రెడ్ క్యాప్సికమ్ లో విటమిన్ సి, యాంటీ ఆక్సిడెంట్స్ పుష్కలంగా ఉంటాయి. ఈ రెడ్ క్యాప్సికమ్ కూడా కిడ్నీ ఆరోగ్యానికి చాలా మంచిది. అయితే దీన్ని మరీ ఎక్కువగా వండకుండా తినాలి.
ఉసిరికాయలో ఎన్నో ఔషధ గుణాలుంటాయి. ఇది మన మూత్రపిండాలకు కూడా ఎంతో మేలు చేస్తుంది. దీనిలో ఉండే విటమిన్ సి, యాంటీ ఆక్సిడెంట్లు మూత్రపిండాలను ఆరోగ్యంగా ఉంచుతాయి.
వెల్లుల్లి మన ఆరోగ్యానికి చేసే మేలు అంతా ఇంతా కాదు. ఇది చెడు కొలెస్ట్రాల్ ను తగ్గించడమే కాకుండా.. మూత్రపిండాలను కూడా ఆరోగ్యంగా ఉంచుతుంది.
కొబ్బరి నీరు మన శరీరానికి కావాల్సిన ఎలక్ట్రోలైట్లను అందిస్తుంది. అలాగే నిర్జలీకరణం బారిన పడకుండా చేస్తుంది. ఇవన్నీ మన కిడ్నీలను ఆరోగ్యంగా ఉంచుతాయి.
మూత్రపిండాల సమస్యలను తగ్గించే గుణం అల్లానికి ఉంది. కాబట్టి అల్లం టీ వంటి పానీయాలు తాగితే మీ కిడ్నీలు ఆరోగ్యంగా ఉంటాయి.
కీరదోసకాయ నిర్జలీకరణాన్ని నివారించడానికి, శరీరం నుంచి విషాన్ని బయటకు పంపడానికి సహాయపడుతుంది. అందుకే ఇది కూడా మూత్రపిండాలకు మేలు చేస్తుంది.