వీళ్లు మాత్రం యాపిల్ తినకూడదు

యాపిల్ లోని ఫైబర్, సాల్యూబుల్ ఫైబర్ చెడు కొలిస్ట్రాల్ ని తగ్గించి, గుండె జబ్బుల ప్రమాదాన్ని తగ్గిస్తుంది. బీపీని అదుపులో ఉంచుతుంది.

యాపిల్‌లోని యాంటీఆక్సిడెంట్లు శరీరంలో ఫ్రీ రాడికల్స్ వల్ల కలిగే నష్టాన్ని తగ్గించి, క్యాన్సర్ ప్రమాదాన్ని తగ్గిస్తాయి. లంగ్స్, రొమ్ము, పెద్దప్రేగు క్యాన్సర్లకు యాపిల్ మంచిది.

యాపిల్‌లో ఫ్లేవనాయిడ్స్, క్వెర్సెటిన్ వంటి యాంటీఆక్సిడెంట్లు ఊపిరితిత్తుల ఆరోగ్యాన్ని మెరుగుపరుస్తాయి. ఇది ఆస్తమా ప్రమాదాన్ని తగ్గించి శ్వాసకోశ వ్యవస్థను మెరుగుపరుస్తుంది.

యాపిల్‌లోని యాంటీఆక్సిడెంట్లు, ఫైటోన్యూట్రియెంట్లు మెదడు పనితీరును మెరుగుపరుస్తాయి. అల్జీమర్స్, పార్కిన్సన్స్ వంటి నాడీ సంబంధిత సమస్యల నుంచి రక్షణ కల్పిస్తుంది.

ఇరిటబుల్ బవెల్ సిండ్రోమ్ (IBS) ఉన్నవారు యాపిల్ తినడం మానుకోవాలి. యాపిల్‌లో ఫ్రక్టోజ్ అనే చక్కెర ఉంటుంది, ఇది గ్యాస్, ఉబ్బరం, అసౌకర్యాన్ని కలిగిస్తుంది.

కొంతమందికి యాపిల్ తింటే అలెర్జీ (ఓరల్ అలెర్జీ సిండ్రోమ్) వస్తుంది. నోరు, పెదవులు, గొంతు, చర్మం దురద లేదా వాపు వస్తుంది. అలాంటి వాళ్ళు యాపిల్ తినకూడదు.

యాపిల్‌ని భోజనం తిన్న వెంటనే తినడం వల్ల జీర్ణక్రియకు ఆటంకం కలుగుతుంది. భోజనానికి కనీసం 1-2 గంటల తర్వాత లేదా ముందు తినడం మంచిది.