జాక్వెలిన్ ఫెర్నాండెజ్

బాలీవుడ్ భామ జాక్వెలిన్ ఫెర్నాండెజ్ తెలుగు ప్రేక్షకులకు కూడా పరిచయమే. పాన్ ఇండియా స్టార్ ప్రభాస్ నటించిన ‘సాహో’లో స్పెషల్ సాంగ్ తో అదరగొట్టింది. తన డాన్స్ తో కట్టిపడేసింది.

ఆ తర్వాత కన్నడ స్టార్ కిచ్చా సుదీప్ ‘విక్రాంత్ రోణా’లోనూ ‘రా రా రక్కమ్మ’ స్పెషల్ సాంగ్స్ తో దుమ్ములేపించింది. అందాలు ఆరబోసి ఊర్రూతలూగించింది. సాంగ్ తో ఆమెకూ మంచి పేరొచ్చింది. 

 

ప్రస్తుతం బాలీవుడ్ చిత్రాలతో బిజీగా ఉంటుంది. సోషల్ మీడియాలో మాత్రం ఎప్పుడూ యాక్టివ్ గానే కనిపిస్తోంది. 66  మిలియన్ల ఫాలోవర్స్ ను దక్కించుకుంది. ఎప్పటికప్పుడు అప్డేట్స్ ఇస్తుంటుంది.

తాజాగా జియో వరల్డ్ కన్వెన్షన్ సెంటర్‌లో జరిగిన 68వ హ్యుందాయ్ ఫిల్మ్‌ఫేర్ అవార్డ్స్ 2023లో జాక్వెలిన్ పాల్గొంది. ఈ సందర్భంగా ట్రైబల్ గెటప్ లో స్టేజీపై పెర్ఫామెన్స్ కూడా ఇచ్చింది.

జాక్వెలిన్ డాన్స్ అద్బుతంగా చేస్తుందన్న విషయం తెలిసిందే.  ఈ వేడుకలోనూ ఎలక్ట్రిఫైయింగ్ పెర్ఫామెన్స్ తో జాక్వెలిన్ చూపు తిప్పుకోకుండా చేసింది. అందరినీ మంత్రముగ్ధులను చేసింది. 

ముఖ్యంగా జాక్వెలిన్ గిరిజన మహిళ అవతారంలో ఆకట్టుకుంది. ఈకలు, తోలులాంటి దుస్తులు, చేతిలో పొడవాటి కర్రతో దర్శనమిచ్చింది. ట్రైబల్ లుక్ లో అదిరిపోయేలా ఫోజులిచ్చి ఆకట్టుకుంది.

ఫిల్మ్ ఫేర్ కు సంబంధించిన ఫొటోలను, వీడియోలను జాక్వెలిన్ అభిమానులతో పంచుకుంది. జాక్వెలిన్ నయా లుక్ కు ఫ్యాన్స్ ఫిదా అవుతున్నారు. అదిరిపోయిందంటూ కామెంట్ల వర్షం కురిపిస్తున్నారు.