ఐపీఎల్-16 చాలామంది స్టార్ క్రికెటర్ల మాదిరిగానే రాజస్తాన్ రాయల్స్  ఓపెనర్ జోస్ బట్లర్‌కూ నిరాశను మిగిల్చింది. 

గత సీజన్‌లో బట్లర్..  17 మ్యాచ్ లు ఆడి 17 ఇన్నింగ్స్ లలో ఏకంగా 863 పరుగులు చేశాడు. ఇందులో నాలుగు సెంచరీలు కూడా ఉన్నాయి

ఐపీఎల్-16 లో బట్లర్ దారుణ వైఫల్యాలతో సతమతమవుతున్నాడు. ఈ సీజన్ లో 14 మ్యాచ్ లు ఆడిన బట్లర్.. 392 పరుగులే చేశాడు. 

ఈ సీజన్ కు ముందు  ఆరేండ్లలో (2016 నుంచి) బట్లర్ ఒక్కసారి మాత్రమే డకౌట్ అయ్యాడు.  2023లో కూడా మొదటి మూడు మ్యాచ్ లలో బాగానే ఆడాడు.

తాజా సీజన్ లో బట్లర్ ఏకంగా ఐదు సార్లు డకౌట్ అయ్యాడు. ఇందులో పది మ్యాచ్ లలోనే ఐదు డకౌట్స్ ఉండటం గమనార్హం. 

గుజరాత్,  కోల్కతా,  పంజాబ్ లపై ఒకసారి డకౌట్ అయిన  బట్లర్ బెంగళూరుపై రెండు మ్యాచ్ లలో సున్నాకే వెనుదిరిగాడు.