ఐపీఎల్ లో  ప్రారంభ సీజన్ నుంచి ఆడుతున్న ముంబై ఇండియన్స్ సారథి రోహిత్ శర్మ  తాజాగా మరో రికార్డును తన ఖాతాలో వేసుకున్నాడు. 

ఐపీఎల్ -16లో అత్యధిక సిక్సర్లు కొట్టినవారిలో  రెండో స్థానంలో ఉన్న మిస్టర్ 360 (ఏబీ డివిలియర్స్)  రికార్డును  హిట్‌మ్యాన్  బ్రేక్ చేశాడు.  

ఈ లీగ్ లో డివిలియర్స్  184 మ్యాచ్ లు ఆడి  251 సిక్సర్లు కొట్టాడు.  

తాజాగా రోహిత్.. గుజరాత్ టైటాన్స్ తో మ్యాచ్ లో  భాగంగా మహ్మద్ షమీ  బౌలింగ్ లో సిక్సర్ బాది 252  సిక్సర్లకు చేరుకున్నాడు.  

ఈ జాబితాలో   క్రిస్ గేల్ ఎవరికీ అందనంత  ఎత్తులో ఉన్నాడు. ఐపీఎల్‌లో  గేల్  142 మ్యాచ్ లలో  357 సిక్సర్లు  సాధించాడు. 

గేల్, రోహిత్,  డివిలియర్స్ తర్వాత ధోని.. 239  సిక్సర్లు కొట్టాడు.