ట్రంప్‌కి మంత్రిగా రామస్వామి: ఆయన ఆస్తి అన్ని వేల కోట్లా?

వివేక్ రామస్వామి DoGE బాధ్యతలు చేపడతారు. ప్రభుత్వ ధనాన్ని దుర్వినియోగం చేసేవారిపై చర్యలు తీసుకోవడంతో పాటు అనవసరమైన ఉద్యోగాలను తొలగించడం ఈ విభాగం పని.

వివేక్ రామస్వామి ఒకప్పుడు అమెరికా అధ్యక్ష పదవికి పోటీ చేయాలనుకున్నారు. అయితే ట్రంప్ కారణంగా ఆయన వెనక్కి తగ్గారు.

భారత సంతతికి చెందిన వివేక్ రామస్వామి ఆగస్టు 9, 1985న అమెరికాలోని సిన్సినాటిలో జన్మించారు. ఆయన 'వోక్, ఇంక్: ఇన్‌సైడ్ కార్పొరేట్ అమెరికాస్ సోషల్ జస్టిస్ స్కామ్' పుస్తక రచయిత కూడా.

కేరళకు చెందిన వివేక్ రామస్వామి హెల్త్‌కేర్, సాంకేతిక రంగాలలో పెద్ద వ్యాపారవేత్త. ఆయన హార్వర్డ్, యేల్ విశ్వవిద్యాలయాల్లో చదువుకున్నారు.

రామస్వామి తల్లిదండ్రులు కేరళ వదిలి అమెరికాలో స్థిరపడ్డారు. వారు ఒహియోలోని జనరల్ ఎలక్ట్రిక్ (GE) కంపెనీలో పనిచేశారు.

వివేక్ రామస్వామి 2014లో రోయివెంట్ సైన్సెస్‌ను స్థాపించారు. 2015-16లో అతిపెద్ద బయోటెక్ ఐపీఓకు నాయకత్వం వహించారు.

మీడియా కథనాల ప్రకారం 2024 నాటికి వివేక్ రామస్వామి నికర ఆస్తి 950 మిలియన్ డాలర్లు (దాదాపు 8000 కోట్ల రూపాయలు).

ఒహియో స్టేట్ యూనివర్సిటీ వెక్స్‌నర్ మెడికల్ సెంటర్‌లో అసిస్టెంట్ ప్రొఫెసర్‌గా పనిచేస్తున్న అపూర్వ తివారీని వివేక్ రామస్వామి వివాహం చేసుకున్నారు.