ఇది క్యాబ్ కాదు.. కొత్త మారుతి డిజైర్. లుక్ అదిరిపోయిందిగా

ట్రావెలింగ్ కు చక్కటి సౌకర్యాలు కల్పించే మారుతి డిజైర్ కు టాక్సీ మార్కెట్‌లో అధిక డిమాండ్‌లో ఉంది.

బడ్జెట్, మైలేజీ పరంగా మారుతి డిజైర్ అందరికీ ఇష్టమే. కాని ఫ్యామిలీ కోసం కొందామంటే అప్పటికే క్యాబ్ కారు అనే మార్క్ పడిపోయింది. 

మారుతి డిజైర్ ఇటీవల రూ.6.79 లక్షల ప్రారంభ ధరతో విడుదలైంది. 5-స్టార్ భద్రతా రేటింగ్‌తో వచ్చిన మొదటి మారుతి కారు ఇది.

కొత్త డిజైర్ మోడల్ లిమిటెడ్ ప్రొడక్షన్ అని, ప్రజలకు మాత్రమే అమ్ముతామని మారుతి సుజుకి ఇండియా లిమిటెడ్ మేనేజింగ్ డైరెక్టర్ హిసాషి టకేయుచి ప్రకటన చేశారు.

కొత్త మారుతి డిజైర్ ప్రైవేట్ వినియోగదారులకు, ఫ్యామిలీ పర్పస్ కోసం మాత్రమే విక్రయిస్తారు. అంటే ఈ మోడల్ కారును క్యాబ్ గా ఉపయోగించకూడదు. 

ప్రపంచంలోని మూడవ అతిపెద్ద ఆటోమోటివ్ మార్కెట్‌లో అమ్ముడైన మారుతి డిజైర్ కార్లలో చాలా వరకు టాక్సీలుగా ఉపయోగిస్తున్నారని రిపోర్ట్స్ చెబుతున్నాయి.

డిజైర్ విస్తృతంగా ఫ్లీట్, టాక్సీ-కాబ్ సేవలలో ఉపయోగిస్తున్నారు. క్యాబ్ గా వినియోగించాలంటే పాత మోడల్స్ కొనుక్కోవాల్సిందే. 

మారుతి డిజైర్ ఇష్టపడే వారు ఈ సారి క్యాబ్‌లా కాకుండా ఇంటి అవసరాలకు కొత్త మోడల్ కొనుగోలు చేయవచ్చు. ఇది ప్రజలకు శుభవార్తే.

స్విఫ్ట్ 1.2 లీటర్, 3 సిలిండర్ 'Z' సిరీస్ ఇంజిన్. ఈ ఇంజిన్ 81.58 PS శక్తిని, 111.7 Nm టార్క్‌ను ప్రొడ్యూస్ చేస్తుంది.