పూజ చేసిన పువ్పులను పారేయకండి: ఇలా ఉపయోగించండి

నవరాత్రి, దసరా పూజల తర్వాత మీ ఇంట్లో చాలా పుష్పాలు మిగిలి ఉంటాయి కదా. వాటిని పారేయకుండా అనేక విధాలుగా ఉపయోగించవచ్చు.

ఎండిన పువ్వుల రేకులతో కొన్ని చుక్కల రోజ్ ఆయిల్ కలిపి పాట్‌పూరీ చేయొచ్చు. దీన్ని అలంకరణకు, సువాసన కోసం వాడుకోవచ్చు.

ఎండిన పువ్వుల రేకులతో పేడ, కర్పూరం, నెయ్యి కలిపి సాంబ్రాణి కప్పులు చేసి మళ్లీ పూజా మందిరంలోనే వాడుకోవచ్చు.

ఎండిన పువ్వులను నీటిలో మరిగించి, రంగు, సువాసన నీటిలోకి దిగిన తర్వాత దాన్ని చల్లార్చాలి. దానికి తగినంత నూనె కలిపి సువాసన స్ప్రే తయారు చేసుకోవచ్చు.

పూజకు వినియోగించిన పువ్వులను ఉపయోగించి కీటక నాశక స్ప్రే తయారు చేసుకోవచ్చు. నీటిలో మరిగించి వడపోసి స్ప్రే బాటిల్‌లో పోసి ఆ నీటిని వాడుకోవాలి.

మైనం కరిగించి అందులో రోజా లేదా బంతి పూల రేకులు కలిపి మైనపు వత్తులు చేసుకోవచ్చు.

బంతి పువ్వులను నీటిలో మరిగించి సహజ రంగులు తయారు చేసుకోవచ్చు. రకరకాల పూల నుంచి వేర్వేరు రంగులు తయారవుతాయి. 

పువ్వులను కాగితం లేదా కార్డ్‌బోర్డ్‌తో కలిపి చేతితో తయారు చేసిన రంగు కాగితం తయారు చేసుకోవచ్చు.

ఎండిన పుష్పాలలో కర్పూరం, 1-2 ధూపం కలిపి సువాసన ఇచ్చే ధూపం తయారు చేసుకోవచ్చు.