business
ఒక టీస్పూన్ బేకింగ్ సోడాను కొద్దిగా నీళ్లతో కలిపి పేస్ట్ లా చేయండి. ఈ పేస్ట్‌ను ఛార్జర్ పై మురికిగా ఉన్న చోట రాసి టూత్ బ్రష్‌తో రుద్దండి. తడి క్లాత్ తో తుడవండి.
ఛార్జర్ మురికిగా ఉన్న చోట కొద్దిగా తెల్లటి టూత్‌పేస్ట్‌ను పూసి స్మూత్ బ్రష్ లేదా వస్త్రంతో రుద్దండి. తర్వాత తడి క్లాత్ తో శుభ్రం చేయండి.
ఒక కాటన్ బాల్ లేదా వస్త్రాన్ని రబ్బింగ్ ఆల్కహాల్‌లో నానబెట్టి ఛార్జర్‌ను మెల్లగా తుడవండి. జిడ్డు, దుమ్ము, మరకలను ఆల్కహాల్ సులభంగా తొలగిస్తుంది.
మీరు సాధారణ రబ్బరు (ఎరేజర్) కూడా ఉపయోగించవచ్చు. ఛార్జర్ మురికి భాగాలను ఎరేజర్‌తో మెల్లగా రుద్దండి. ఇది దుమ్ము, మరకలను తొలగించడంలో సహాయపడుతుంది.
మృదువైన మైక్రోఫైబర్ వస్త్రాన్ని గోరువెచ్చని నీటిలో నానబెట్టి ఛార్జర్‌ను శుభ్రం చేయండి. మైక్రోఫైబర్ వస్త్రం చిన్న దుమ్ము కణాలు, మురికిని బాగా పట్టుకుంటుంది.
మీరు హ్యాండ్ శానిటైజర్‌ని కూడా ఉపయోగించవచ్చు. ఇందులో ఆల్కహాల్ ఉంటుంది. ఇది మురికి, బ్యాక్టీరియాను తొలగించడంలో సహాయపడుతుంది.
కొన్ని చుక్కల మైల్డ్ డిష్ సోప్‌ను నీటిలో కలిపి స్పాంజ్‌ను ఈ ద్రావణంలో ముంచి మురికిగా ఛార్జర్ భాగాలను శుభ్రం చేయండి. తర్వాత పొడి వస్త్రంతో తుడవండి.