Feb 13, 2023, 2:04 PM IST
ఇల్లందు : తెలంగాణ కాంగ్రెస్ పార్టీ అధ్యక్షుడు రేవంత్ రెడ్డి ప్రజాసమస్యలు తెలుసుకునేందుకు పాదయాత్ర చేపడుతున్న విషయం తెలిసిందే. ఈ క్రమంలో పెట్రోల్ బంక్ లో పనిచేసే కార్మికులతో ముచ్చటించిన రేవంత్ ప్రస్తుతం పెట్రోల్, డీజిల్ రేట్లను అడిగి తెలుసుకున్నారు. గతంలో కాంగ్రెస్ ప్రభుత్వ హయాంలో ఇంధన ధరలు చాలా తక్కువగా వుండేవని... బిజెపి అధికారంలోకి వచ్చాక వీటి ధరలు అమాంతం పెరిగి సామాన్యులను తీవ్ర భారం పడిందన్నారు. ఈ తేడాను ప్రజలకు వివరించి తిరిగి కాంగ్రెస్ ను అధికారంలోకి వచ్చేలా ప్రచారం చేయాలంటూ పెట్రోల్ బంక్ సిబ్బందికి రేవంత్ సూచించారు.