మ్యాచు మధ్యలో ఆస్ట్రేలియన్ యువతికి ప్రొపోజల్: భారత యువకుడి ప్లానింగ్ కిర్రాక్

టీమిండియా ప్రస్తుతం ఆస్ట్రేలియా పర్యటనలో ఉంది. ఆస్ట్రేలియాతో భారత్ తలపడుతున్న సంగతి తెలిసిందే. కాగా.. ఈ రెండు జట్ల మధ్య జరిగిన రెండో వన్డే మ్యాచ్ లో ఓ ఆసక్తికర సంఘటన చోటుచేసుకుంది. ఓ ఇండియన్ కుర్రాడు.. ఆస్ట్రేలియన్ యువతికి ప్రపోజ్ చేశాడు. భారత ఇన్నింగ్స్ సమయంలో స్టాండ్స్‌లో ఓ రొమాంటిక్ సన్నివేశం జరిగింది. మ్యాచ్‌ను చూస్తున్న ప్రేక్షకుల మధ్య నుంచి లేచిన ఓ భారత అభిమాని మోకళ్లపై కూర్చుని ఆసీస్ జట్టు అభిమాని అయిన తన పార్ట్‌నర్‌కు ప్రపోజ్ చేశాడు.