పిల్లకుంక లోకేష్... జగన్ కాలిగోటికి కూడా సరిపోవు..: మాజీ మంత్రి పార్థసారథి

పెనమలూరు :యువగళం పేరిట రాష్ట్రవ్యాప్త పాదయాత్ర చేపట్టిన టిడిపి జాతీయ ప్రధాన కార్యదర్శి నారా లోకేష్ పై మాజీ మంత్రి కొలుసు పార్థసారథి తీవ్రస్థాయిలో విరుచుకుపడ్డారు.కేసీఆర్ ఎలాయితే తనయుడు కేటీఆర్ ను ముఖ్యమంత్రి చేయాలని అనుకుంటున్నాడో చంద్రబాబు కూడా లోకేష్ గురించి అలాగే తాపత్రయపడుతున్నాడు... కానీ లోకేష్ పాదయాత్రలో పిల్లకాకి, పిల్లకుంకలాగ మాట్లాడుతున్నాడని అన్నారు.ఎక్కడా టిడిపి అధికారంలోకి వస్తే ప్రజలకు ఏం చేస్తారో చెప్పడంలేదు... సీఎం జగన్ గురించి ఓ లోఫర్, జోకర్ మాట్లాడుతున్నాడని మండిపడ్డారు. జగన్ కాలి గోటికి కూడా పనికిరాడని లోకేష్ గుర్తించాలని పార్ధసారథి అన్నారు.  ఉయ్యురు మార్కెట్ యార్డ్ పాలకవర్గం ప్రమాణస్వీకార కార్యక్రమంలో పార్థసారథి పాల్గొన్నారు. అంతకు ముందు వైసిపి శ్రేణుల్లో ఉత్సాహాన్ని నింపేందుకు యువకులతో పోటీపడుతూ స్వయంగా బైక్ నడిపారు మాజీ మంత్రి.భారీ బైక్ ర్యాలీతో ప్రమాణస్వీకారం కోసం ఏర్పాటుచేసిన వేదికవద్దకు చేరుకున్నారు పార్థసారథి.