పొలిటికల్ సైటైర్లతో బాలయ్య మార్క్ డైలాగ్స్... అభిమానులకు ముందే సంక్రాంతి : కేశినేని చిన్ని

విజయవాడ : నందమూరి నటసింహం బాలకృష్ణ హీరోగా నటించిన ''వీరసింహారెడ్డి'' ఈరోజు  ప్రపంచ వ్యాప్తంగా భారీస్థాయిలో విడుదలయ్యింది. బాలయ్యకు సరిగ్గా సరిపోయే రాయలసీమ కథాంశం, పొలిటికల్ సైటైర్లతో కూడిన డైలాగ్స్, బాలయ్య మాస్ యాక్షన్ తో సినిమా అద్భుతంగా వున్నట్లు టాక్ బయటకు వస్తోంది. ఈ నేపథ్యంలో బాలయ్య ఫ్యాన్స్ సంబరాలు చేసుకుంటున్నారు. బాలకృష్ణ సినిమా కెరీర్ ప్రారంభమై 50 ఏళ్లు పూర్తవడంతో పాటు వీరసింహారెడ్డి హిట్ టాక్ రావడంతో విజయవాడలో ఫ్యాన్స్ 50 కిలోల కేక్ కట్ చేసారు. జై బాలయ్య... జై జై బాలయ్య నినాదాలతో ఆ ప్రాంతమంతా మారుమోగింది. ఈ కార్యక్రమానికి టిడిపి నాయకుడు కేశినేని చిన్ని హాజరై కేక్ కట్ చేసారు. ఈ సందర్భంగా కేశినేని చిన్ని మాట్లాడుతూ... వీరసింహారెడ్డి సినిమా అద్భుతంగా వుందన్నారు. బాలకృష్ణ సినిమా కెరీర్ లోనే ఇది గొప్ప విజయమని అన్నారు. ఈ సినిమాతో అభిమానులక ముందే సంక్రాంతి వచ్చిందన్నారు. సినిమా అంతా పొలిటికల్ సెటైర్లే వున్నాయని చిన్ని పేర్కొన్నారు.