నెల్లూరులో దారుణం... ఇంట్లోకి చొరబడి నిద్రిస్తున్న యువతిపై యువకుడి ఘాతుకం

నెలూరు జిల్లా వెంకటగిరిలో ఓ ప్రేమోన్మాది ఘాతుకానికి ఒడిగట్టాడు. పట్టణంలోని కాలేజీమిట్టకు చెందిన చిగురుపాటి జ్యోతిని (17) కొంతకాలంగా యువతి వెంటపడుతున్న చెంచుకృష్ణ ప్రేమించాలంటూ వేధిస్తున్నాడు. అయితే అతడి ప్రేమను అంగీకరించని యువతి విషయాన్ని కుటుంబసభ్యులకు తెలిపగా వారు కృష్ణను తీవ్రంగా హెచ్చరించారు. దీంతో యువతిపై కోపంతో రగిలిపోయిన అతడు ఇవాళ(సోమవారం) ఏకంగా ఇంట్లోకే చొరబడిమరీ నిద్రిస్తున్న జ్యోతిపై కత్తితో గొంతు కోశాడు.  ఇంత దారుణానికి పాల్పడిన అతడిలో ఏ మాత్రం భయం కనిపించలేదు. యువతి హత్యాయత్నం తర్వాత నేరుగా వెళ్లి కల్లు తాగి ఇంట్లోకి వెళ్లి తలుపు వేసుకున్నాడు. స్థానికులు తలుపులు పగులకొట్టి చెంచుకృష్ణను పోలీసులకు అప్పగించారు. ప్రస్తుతం చెంచు కృష్ణ పోలీసులు అదుపులో ఉన్నాడు. యువతి ఆసుపత్రిలో చికిత్స పొందుతోంది.