Huzurabad Bypoll Result 2021: హుజురాబాద్‌ ఈటలదే.. వరుసగా ఏడోసారి ఎమ్మెల్యేగా ఎన్నిక

హుజురాబాద్  ఉపఎన్నిక కౌంటింగ్ ముగిసింది. బీజేపీ అభ్యర్ధి ఈటల రాజేందర్ .. టీఆర్ఎస్ అభ్యర్ధి గెల్లు శ్రీనివాస్‌పై 24,068 ఓట్ల తేడాతో విజయం సాధించారు. తొలి రౌండ్‌ నుంచి బీజేపీనే ఆధిక్యంలో వుంటూ వచ్చింది. మొత్తంగా బీజేపీకి 1,06,780 ఓట్లు రాగా.. టీఆర్ఎస్‌కు 82,712 ఓట్లు పోలయ్యాయి.

హుజురాబాద్ ఉపఎన్నికలో బీజేపీ అభ్యర్ధి ఈటల రాజేందర్ విజయం ఇక లాంఛనమేప. ఇప్పటికే ఆయన మెజారిటీ 21 వేల మార్క్‌ను దాటింది. ఇంకా రెండు రౌండ్ల ఓట్లను లెక్కించాల్సి వుంది. అయితే ఇక టీఆర్ఎస్ అభ్యర్ధి గెల్లు శ్రీనివాస్ పోటీ ఇచ్చే పరిస్థితి లేకపోవడంతో ఈటల విజయం ఖరారైనట్లే. దీనిపై ఈసీ అధికారికంగా ప్రకటించాల్సి వుంది. 

హుజురాబాద్ ఉపఎన్నికలో బీజేపీ అభ్యర్ధి ఈటల రాజేందర్ దూసుకెళ్తున్నారు. 20 రౌండ్లు ముగిసేసరికి ఈటల 21,015 ఓట్ల మెజార్టీతో వున్నారు. 20వ రౌండ్‌లో 1,474 ఓట్ల ఆధిక్యంలో బీజేపీ నిలిచింది. 

హుజురాబాద్ ఉపఎన్నిక కౌంటింగ్‌లో బీజేపీ అభ్యర్ధి ఈటల రాజేందర్ దూసుకెళ్తున్నారు. 19 రౌండ్లు ముగిసే సరికి ఈటలకు 91,312 ఓట్లు రాగా.. టీఆర్ఎస్ అభ్యర్ధి గెల్లు శ్రీనివాస్ యాదవ్‌కి 71,771 ఓట్లు పడ్డాయి. 19వ రౌండ్‌లో బీజేపీకి 3,047 ఓట్లు పడ్డాయి. దీంతో ఈటల 19,541 ఓట్ల మెజారిటీతో వున్నారు. 

17వ రౌండ్ లో బిజెపి భారీ ఆధిక్యం సాధించింది. సమీప ప్రత్యర్థి గెల్లు శ్రీనివాస్ యాదవ్ పై ఈటల ఈ 17వ రౌండ్ లో 1,423 మెజారిటీ సాధించారు. ఈ రౌండ్ లో BJPకి 5610, TRS కి 4187 ఓట్లు వచ్చాయి. దీంతో బిజెపి ఓట్లు 79,785, టీఆర్ఎస్ ఓట్లు 65,167 కు చేరుకున్నారు. దీంతో ఈటల మొత్తం మెజారిటీ 14,618 చేరింది. 
 
 

ఇప్పటివరకు మొత్తం 16 రౌండ్లు పూర్తవగా ఆరంభంనుండి ఈటల రాజేందర్ ఆధిక్యమే కొనసాగుతోంది. మొత్తంగా 14 రౌండ్లలో బిజెపి మెజారిటీ సాదించగా, కేవలం 2 రౌండ్లలో మాత్రమే టీఆర్ఎస్ ఆధిక్యం ప్రదర్శించింది. 
 

16వ రౌండ్ లో ఈటల రాజేందర్ ఆధిక్యం కొనసాగింది. ఈ రౌండ్లో 1712 ఓట్ల ఆధిక్యాన్ని బీజేపీ సాధించింది. ఈ రౌండ్ లో BJPకి  5689, TRSకి 3917 వచ్చాయి. దీంతో బిజెపి ఆధిక్యం 13195కు చేరింది.  ఈ రౌండ్ తర్వాత బిజెపికి మొత్తం 74,175 ఓట్లు, టీఆర్ఎస్ 60,220 సాధించాయి. కాంగ్రెస్ కు అత్యంత దారుణంగా 2131 ఓట్ల మాత్రమే వచ్చాయి. 

15వ రౌండ్ ముగిసేసరికి ఈటల పోటీచేసిపి బిజెపికి 68,586 ఓట్లు, గెల్లు శ్రీనివాస్ యాదవ్ పోటీచేసిన టీఆర్ఎస్ కు 57,003,  కాంగ్రెస్ 1982 ఓట్లు వచ్చాయి. 

15వ రౌండ్ లో బిజెపికి భారీ ఆధిక్యం లభించింది. ఈ రౌండ్ ముగిసేసరికి ఈటల రాజేందర్ ఆధిక్యం 11583 ఓట్లకు చేరింది. ఒక్క 15వ రౌండ్ లోనే ఏకంగా 2,149ఓట్ల మెజారిటీని సాధించారు. ఈ రౌండ్ లో బిజెపికి 5507, టీఆర్ఎస్ కు 3358 ఓట్లు వచ్చాయి. 

14వ రౌండ్ తర్వాత బిజెపికి  63079, టీఆర్ఎస్ కి 53627, కాంగ్రెస్ కి 1830 ఓట్లు వచ్చాయి. 

14వ రౌండ్ లో బిజెపి ఆధిక్యం కొనసాగింది. ఈ రౌండ్ లో ఈటల రాజేందర్ టీఆర్ఎస్ అభ్యర్థి గెల్లుపై 1046ఓట్ల ఆధిక్యం సాధించారు. దీంతో ఈటల మొత్తం లీడింగ్ 9434కు చేరుకుంది.   

13రౌండ్ లోనూ బిజెపి అభ్యర్థి ఈటల రాజేందర్ భారీ ఆధిక్యం సాధించారు. ఈ రౌండ్ లో బిజెపికి ఏకంగా 1867ఓట్ల ఆధిక్యం లభించినట్లు తెలుస్తోంది. 13వ రౌండ్  తర్వాత ఈటల మెజారిటీ 8,388 కు చేరింది. ఈ రౌండ్ లో బిజెపికి 4836, టీఆర్ఎస్ కు 2971 ఓట్లు వచ్చాయి. 13వ రౌండ్ తర్వాత బిజెపి ఓట్లు 58,333, టీఆర్ఎస్ కు 49,945ఓట్లకు చేరాయి. 

12వ రౌండ్లో బిజెపికి 4849, టీఆర్ఎస్ కు 3632 ఓట్లు వచ్చాయి. ఈ రౌండ్ ముగిసాక మొత్తంగా బిజెపికి 53,497, టీఆర్ఎస్ కు 46,974ఓట్లుకు వచ్చాయి. కాంగ్రెస్ ఓట్లు 1729 చేరాయి.

12వ రౌండ్ లో తిరిగి బిజెపి అభ్యర్థి ఈటల రాజేందర్ ఆధిక్యం సాధించారు. ఈ రౌండ్ లో 1,217 ఓట్ల ఆధిక్యంలో ఈటల వున్నట్లు తెలుస్తోంది. దీంతో 6,523కు పైగా ఈటల మెజారిటీ దాటే అవకాశం కనిపిస్తోంది. 

పదకొండో రౌండ్ ముగిసేసరికి బిజెపి అభ్యర్థి ఈటలకు 48,588 ఓట్లు, టీఆర్ఎస్ అభ్యర్థి గెల్లు శ్రీనివాస్ యాదవ్ కు  43,324 ఓట్లు వచ్చాయి. కాంగ్రెస్ పార్టీ అభ్యర్థి బల్మూరి వెంకట్ కు కేవలం 2524 ఓట్లు మాత్రమే వచ్చాయి. కేవలం 11వ రౌండ్లో బిజెపికి 3941, టీఆర్ఎస్ కు 4308 ఓట్లు వచ్చాయి.  

హుజురాబాద్ ఉపఎన్నిక కౌంటింగ్ హోరాహోరీగా సాగుతోంది. 11వ రౌండ్‌లో టీఆర్ఎస్ 367 ఓట్ల ఆధిక్యాన్ని సాధించింది. అయితే 11 రౌండ్లు ముగిసే సరికి బీజేపీ అభ్యర్ధి ఈటల రాజేందర్ 5,264 ఓట్ల ఆధిక్యంలోనే కొనసాగుతున్నారు. 
 

హుజురాబాద్ ఉపఎన్నిక కౌంటింగ్‌లో బీజేపీ నేత ఈటల రాజేందర్ స్పష్టమైన ఆధిక్యంలో దూసుకెళ్తున్నారు. పదో రౌండ్‌లోనూ ఆయనే పైచేయి సాధించారు. 10 రౌండ్లు ముగిసే సరికి ఈటల రాజేందర్ 5,631 ఓట్ల మెజారిటీతో వున్నారు. 

తొమ్మిదో రౌండ్ లో ఈటలకు 1835 ఓట్ల ఆధిక్యం లభించింది. 

తొమ్మిదో రౌండ్ లో మళ్లీ ఈటలకే ఆధిక్యం లభించింది. ఈ రౌండ్ లో ఆయన వెయ్యికి పైగా ఓట్ల లీడ్ సాధించినట్లు తెలుస్తోంది. ఈ రౌండ్ తర్వాత ఈటల ఆధిక్యం 5111కు చేరింది. 

పోస్టల్ బ్యాలెట్ ఓట్లపై అధికారిక ప్రకటన వెలువడింది. మొత్తం 753మంది పోస్టల్ బ్యాలెట్ ను ఉపయోగించుకోగా టిఆర్ఎస్ కు 455, బీజేపీకి 242, కాంగ్రెస్ 02 ఓట్లు వచ్చాయి. పోస్టల్ బ్యాలెట్ లో టిఆర్ఎస్ లీడ్  213గా వుంది.

సొంత మండలం వీణవంక టీఆర్ఎస్ అభ్యర్థి గెల్లు శ్రీనివాస్ యాదవ్ కు కాస్త ఊరటనిచ్చినా సొంత గ్రామం హిమ్మత్ నగర్ లో మాత్రం షాకిచ్చింది. ఈ గ్రామంలో ఈటల రాజేందర్  కు 191 ఓట్ల బిజెపి ఆధిక్యం లభించింది. 

హుజురాబాద్ కౌంటింగ్ లో ఎనిమిదో రౌండ్ మాదిరిగానే తొమ్మిదో రౌండ్లో కూడా టీఆర్ఎస్, బిజెపి ల మధ్యే హోరాహోరీగా సాగుతోంది.

ఎనిమిదో రౌండ్ ఓట్ల లెక్కింపు పూర్తయ్యింది.  ఈ రౌండ్ లో టిఆర్ఎస్ కు 4,248, బీజేపీ 4,086, కాంగ్రెస్ కు 89 కు లభించాయి. టిఆర్ఎస్ లీడ్ 162 గా వుంది. 

సొంత మండలం వీణవంకలో గెల్లు శ్రీనివాస్ యాదవ్ కు ఈటలపై స్వల్ప ఆధిక్యం లభించింది. టీఆర్ఎస్ కు 162ఓట్ల ఆధిక్యం లభించింది.  

ఏడో రౌండ్ తర్వాత బిజెపి ఆధిక్యం 3432 కు చేరింది. ఈ రౌండ్ తర్వాత బిజెపికి లభించిన మొత్తం ఓట్లు 31,027, టీఆర్ఎస్ 27,589 కు చేరాయి. ఈ రౌండ్లో టిఆర్ఎస్ కు 3,792, బీజేపీకి 4,038, కాంగ్రెస్ కు 94 ఓట్లు వచ్చాయి.  
 

హుజురాబాద్ ఓట్ల కౌంటింగ్ ప్రారంభంనుండి  ఈటల రాజేందర్ హవా కొనసాగుతోంది. వరుసగా ఆరు రౌండ్లలోనూ కొనసాగిన బిజెపి ఆధిక్యం ఏడో రౌండ్ లోనూ సాగింది. 

ఆరో రౌండ్ లో బిజెపికి 4656, టీఆర్ఎస్ కి 3639 ఓట్లు వచ్చాయి. దీంతో ఇప్పటివరకు బిజెపికి 26,983, టీఆర్ఎస్ కు 23, 797 కు ఓట్లు పడ్డాయని తేలింది.  
 

 ఆరో రౌండ్ లో ఈటల 1017 ఓట్ల ఆధిక్యాన్ని సాధించారు. దీంతో ఆయన మొత్తం ఆధిక్యం 3186 చేరువయ్యింది. 

హుజురాబాద్ లో బిజెపి అభ్యర్థి ఈటల రాజేందర్ విజయం తాము ఊహించినదేనని తెలంగాణ బిజెపి అధ్యక్షులు బండి సంజయ్ పేర్కొన్నారు. హుజురాబాద్ గడ్డపై కాషాయ జెండా ఎగరుతుందని... ఈటల తిరిగి ఎమ్మెల్యేగా గెలుస్తున్నారని బండి సంజయ్ అన్నారు. 
 

హుజురాబాద్ ఉపఎన్నికల్లో బిజెపి అభ్యర్థి ఈటల రాజేందర్ హవా కొనసాగుతోంది. ఇప్పటివరకు వెలువడిన అన్ని రౌండ్లలో ఆధిక్యం ఈటలనే వరించగా తాజాగా ఆరో రౌండ్ లోనూ ఆయనే ఎక్కువ ఓట్లు సాధించారు. 

ఐదో రౌండ్ ముగిసేసరికి ఈటల రాజేందర్ ఆధిక్యం 2169 చేరుకుంది. 

ఐదో రౌండ్లోనూ బిజెపి హవా కొనసాగుతోంది. ఈ రౌండ్ లోనూ ఈటల రాజేందర్ కే ఆధిక్యం లభించింది.  ఈ రౌండ్ లో బిజెపికి 4358, టీఆర్ఎస్ కి 4014 ఓట్లు సాధించాయి. ఈ రౌండ్ ముగిసాక బిజెపికి మొత్తం 22327,  టీఆర్ఎస్ 20158 ఓట్లు వచ్చాయి. 

నాలుగో రౌండ్ కు బిజెపికి 4314, టీఆర్ఎస్ కి 3882 ఓట్లు సాధించాయి. ఈ రౌండ్ లో బిజెపికి 400పైచిలుకు ఓట్ల ఆధిక్యం లభించింది. 

హుజురాబాద్ నాలుగో రౌండ్ లో బిజెపి అభ్యర్థి ఈటల రాజేందర్ ఆధిక్యాన్ని సాధించారు. ఈ రౌండ్ ముగిసేసరికి ఈటలకు 1825 ఓట్ల ఆధిక్యం లభించింది.  

హుజురాబాద్ మూడొ రౌండ్ లో బిజెపి అభ్యర్థి ఈటల రాజేందర్ ఆధిక్యాన్ని సాధించారు. ఈ రౌండ్ ముగిసేసరికి ఈటల ఆధిక్యం 1411 ఓట్లకు చేరింది. మూడో రౌండ్ లో బిజెపి 1053 ఓట్ల భారీ ఆధిక్యం సాధించింది.   

రెండు రౌండ్ల తర్వాత బిజెపి అభ్యర్థి ఈటల రాజేందర్ ఆధిక్యం 358కి చేరకుంది. ఇప్పటివరకు వెలువడ్డ రెండు రౌండ్లతో కలిపి మొత్తంగా బిజెపికి 9,461, అధికార టీఆర్ఎస్ కు 9103, కాంగ్రెస్ కు 339 ఓట్లు వచ్చాయి.  

హుజురాబాద్ రెండో రౌండ్ లో బిజెపి 193 ఆధిక్యాన్ని సాధించింది. బిజెపికి 4851, టీఆర్ఎస్ 4659,  కాంగ్రెస్ 220 ఓట్లు వచ్చాయి.