అక్షయ తృతీయ రోజున గోల్డెన్ ఛాన్స్.. బంగారం కొనుగోలుపై ఫోన్ పే క్యాష్‌బ్యాక్ అఫర్..
By asianet news telugu | First Published Apr 21, 2023, 3:26 PM ISTడిజిటల్ పేమెంట్ సంస్థ ఫోన్ పే అక్షయ తృతీయ శుభ సందర్భంగా యాప్ ద్వారా బంగారం కొనుగోళ్లపై క్యాష్‌బ్యాక్ ఆఫర్‌ను ప్రకటించింది.
న్యూఢిల్లీ: అక్షయ తృతీయ ఏప్రిల్ 22న వస్తోంది. ఈ సందర్భంగా విలువైన వస్తువులు కొనడం లేదా దానధర్మాలు చేయడం శుభప్రదమని చెబుతారు. ఈ రోజు బంగారాన్ని కొనుగోలు చేయడం కూడా చాలా శుభప్రదంగా పరిగణించబడుతుంది. ఇదిలా ఉండగా, డిజిటల్ పేమెంట్ సంస్థ PhonePe అక్షయ తృతీయ శుభ సందర్భంగా యాప్ ద్వారా బంగారం కొనుగోళ్లపై క్యాష్‌బ్యాక్ ఆఫర్‌ను ప్రకటించింది.
ఫోన్‌పే గురువారం విడుదల చేసిన ప్రకటనలో ఏప్రిల్ 22, 2023న 1 గ్రాము లేదా అంతకంటే ఎక్కువ బంగారం కొనుగోళ్లపై రూ. 50 నుండి రూ. 500 వరకు ఫిక్స్డ్ క్యాష్‌బ్యాక్ అందించబడుతుంది. యూజర్లు యాప్ ద్వారా అత్యధిక స్వచ్ఛత కలిగిన 24 క్యారెట్ల బంగారాన్ని కొనుగోలు చేసి బ్యాంక్ గ్రేడ్ ఇన్సూరెన్స్ లాకర్‌లో ఉచితంగా డిపాజిట్ చేయవచ్చు. అలాగే, వినియోగదారుల వద్ద ఉన్న బంగారాన్ని విక్రయించినప్పుడల్లా, 48 గంటల్లో వారి బ్యాంకు ఖాతాలో డబ్బు జమ అవుతుంది.
Latest Videos
undefined
ఫోన్‌పే ద్వారా కొనుగోలు చేయడం ఎలా?
- మీ PhonePay యాప్‌లో హోమ్ స్క్రీన్ కింద వెల్త్ పై నొక్కండి.
- ఇన్వెస్ట్‌మెంట్ ఐడియాస్ విభాగంలో గోల్డ్ పై నొక్కండి.
- ఆ తర్వాత Buy One Timeపై నొక్కండి.
- మీరు కోరుకున్న మొత్తం లేదా గ్రాములను ఎంటర్ చేయవచ్చు. అదే సమయంలో ఆఫర్ కింద క్యాష్‌బ్యాక్ పొందడానికి, కనీసం 1 గ్రాము బంగారాన్ని కొనుగోలు చేయాలి.
- ఇప్పుడు ప్రొసీడ్‌పై క్లిక్ చేయండి (గమనిక- మీరు చూసే బంగారం ధర 5 నిమిషాలు మాత్రమే చెల్లుతుంది అలాగే ఆటోమేటిక్‌గా రిఫ్రెష్ అవుతుంది)
- ప్రొసీడ్ టు పే పై క్లిక్ చేసి, చెల్లింపు మోడ్‌ని సెలెక్ట్ చేసుకుని పేమెంట్ చేయండి.
- మీరు కొనుగోలు చేసిన బంగారం బ్యాంక్ గ్రేడ్ లాకర్‌లో నిల్వ చేయబడుతుంది. మీరు డెలివరీ కోసం కూడా అభ్యర్థించవచ్చు.
డిజిటల్ బంగారం అంటే ఏమిటి?
ఫిజికల్ బంగారం దొంగిలించబడుతుందో లేదా పోతుందో అనే భయం ఎప్పుడూ ఉంటుంది. అటువంటి పరిస్థితిలో డిజిటల్ బంగారం పెట్టుబడికి కొత్త ఇంకా సురక్షితమైన మాధ్యమంగా ఉద్భవించింది. ఆన్‌లైన్‌లో బంగారాన్ని కొనుగోలు చేయడానికి డిజిటల్ బంగారం ఒక మార్గం. ఇందులో బంగారం భౌతికంగా కాకుండా మీ డిజిటల్ వాలెట్‌లో ఉంచబడుతుంది. మీరు దానిని కొనవచ్చు ఇంకా అమ్మవచ్చు. అంతేకాకుండా, అవసరమైతే కొన్ని అదనపు ఛార్జీలు చెల్లించడం ద్వారా డిజిటల్ బంగారాన్ని భౌతిక బంగారంగా మార్చవచ్చు.
క్లిక్ చేసి ఏసియా నెట్ న్యూస్ తెలుగు వాట్సాప్ చానెల్·ను ఫాలో అవ్వండి