వింబుల్డన్ లో సెరెనాకు షాక్: 11వ నెంబర్ క్రీడాకారిణీ చేతిలో ఓటమి.. ఎవరీ కెర్బర్..?

వింబుల్డన్‌లో సంచలనం నమోదైంది.. అమెరికా టెన్నిస్ దిగ్గజం సెరెనా విలయమ్స్‌ను 11వ ర్యాంక్ క్రీడాకారిణి అంజెలిక్ కెర్బర్ ఓడించి కప్ ఎగరేసుకెళ్లింది.. శనివారం జరిగిన మహిళల సింగిల్స్ ఫైనల్లో కెర్బర్ 6-3, 6-3 వరుస సెట్లతో సెరెనా విలియమ్స్‌ను ఓడించి వింబుల్డన్ టైటిల్ గెలిచిన తొలి జర్మన్‌గా రికార్డు సృష్టించింది. అనవసర తప్పిదాలకు పోయి సెరెనా మ్యాచ్‌ను పొగొట్టుకుంది.

కచ్చితమైన సర్వీసులు, బలమైన ఫోర్ హ్యాండ్ షాట్లతో కెర్బర్ చెలరేగిపోయింది..సెరెనా కనుక ఈ టైటిల్ గెలిచి ఉంటే అత్యధికంగా 24 గ్రాండ్‌స్లామ్‌ టైటిళ్లు గెలిచిన క్రీడాకారిణిగా మార్గరెట్ కోర్ట్ పేరిట ఉన్న రికార్డును అందుకునేది.. ఇప్పటి వరకు సెరెనా విలియమ్స్ ‌ఏడు వింబుల్డన్ టైటిళ్లు గెలిచారు..