క్రిమియాలో నలుగురు భారతీయ వైద్య విద్యార్థులు మృతి...
By SumaBala Bukka | First Published Dec 30, 2022, 9:37 AM ISTక్రిమియా దేశంలో జరిగిన కారు ప్రమాదంలో భారత్ కు చెందిన నలుగురు వైద్యవిద్యార్థులు మృతి చెందారు.
క్రిమియా : క్రిమియా దేశంలోని సింఫెరోపోల్ నగరం లో ఘోర రోడ్డు ప్రమాదం జరిగింది. ఈ ప్రమాదంలో భారత్ కు చెందిన నలుగురు విద్యార్థులు మృత్యువాత పడ్డారు. ఈ నలుగురు విద్యార్థులు ప్రయాణిస్తున్న కారు చెట్టును ఢీకొట్టింది. సమాచారం అందుకున్న పోలీసులు వెంటనే అక్కడికి చేరుకుని విచారణ ప్రారంభించారు. వారి దర్యాప్తులో ఈ నలుగురు భారతీయ వైద్య విద్యార్థులు అని తేలింది. ఈ విషయాన్ని క్రిమియా దేశ ఇంటర్నల్ అఫైర్స్ మినిస్ట్రీ అధికారికంగా తెలిపింది. మంత్రిత్వ శాఖ మరిన్ని వివరాలు తెలుపుతూ ఈ ప్రమాదంపై పోలీసులు త్వరితగతిన దర్యాప్తు చేస్తున్నట్లు పేర్కొంది.
వీరు నలుగురూ మెడిసిన్ చదువుతున్నారు. ఇద్దరు మెడిసిన్ మూడో సంవత్సరం విద్యార్థులు కాగా.. మరో ఇద్దరు నాలుగో సంవత్సరం విద్యార్థులు. వీరు నలుగురూ కలిసి రెనాల్ట్ లోగాన్ – సెర్జీవ్– ట్సెన్క్కీ స్ట్రీట్ నుంచి క్రిమియా దేశంలోని సెయింట్ సింఫెరోపోల్ కారులో వస్తున్నారు. ఈ సమయంలో కారు డ్రైవర్ వాహనం మీద నియంత్రణ కోల్పోయాడు. దీంతో కారు నేరుగా వెళ్లి చెట్టును ఢీకొట్టింది. ఈ మేరకు పోలీసులు ప్రాథమిక అంచనా వేస్తున్నారు. క్రిమియాలో భారతీయ విద్యార్థులు మరణించడంతో వారి కుటుంబంలో విషాదం అలుముకుంది.
క్లిక్ చేసి ఏసియా నెట్ న్యూస్ తెలుగు వాట్సాప్ చానెల్·ను ఫాలో అవ్వండి