తమిళనాడులో కుండపోత వర్షాలు.. పలు రైళ్లు, విమానాలు రద్దు, స్కూళ్లకు సెలవులు...
By SumaBala Bukka | First Published Dec 18, 2023, 11:10 AM ISTటూటికోరన్ జిల్లా తిరుచెందూరులో తెల్లవారుజామున 1:30 గంటల వరకు కేవలం 15 గంటల్లో 60 సెంటీమీటర్ల వర్షం కురిసింది. తిరునెల్వేలి జిల్లాలోని పాలయంకోట్టైలో 26 సెం.మీ. కాగా, కన్యాకుమారిలో 17.3 సెంటీమీటర్ల వర్షపాతం నమోదైంది.
చెన్నై: భారీ వర్షాల కారణంగా దక్షిణ తమిళనాడులోని నాలుగు జిల్లాల్లో వరదలు పోటెత్తడంతో రాష్ట్రంలోని తిరునెల్వేలి, టుటికోరిన్, తెన్కాసి, కన్యాకుమారి జిల్లాల్లో జనజీవనం అస్తవ్యస్తమైంది. కుండపోత వర్షాల కారణంగా ప్రభావిత జిల్లాల్లో సోమవారం ప్రభుత్వం సెలవు ప్రకటించారు. పాఠశాలలు, కళాశాలలు, బ్యాంకులు, ప్రైవేట్ సంస్థలు, ప్రభుత్వ రంగ సంస్థలు మూసివేయబడతాయి.
పాపనాశం, పెరుంజని, పెచ్చుపరై డ్యాంల నుంచి నీటిని విడుదల చేయడంతో తిరునల్వేలి, తూత్తుకుడి, కన్యాకుమారి జిల్లాల్లో నీరు మోకాళ్ల నుంచి నడుము వరకు మునిగిపోయేలా ఉంది. తామరపరాణి నది ఉప్పొంగుతోంది. డ్యామ్‌లలో నీటి నిర్వహణ సక్రమంగా ఉండేలా చూడాలని జిల్లా కలెక్టర్లకు సూచించారు.
Latest Videos
టూటికోరన్ జిల్లా తిరుచెందూరులో తెల్లవారుజామున 1:30 గంటల వరకు కేవలం 15 గంటల్లో 60 సెంటీమీటర్ల వర్షం కురిసింది. తిరునెల్వేలి జిల్లాలోని పాలయంకోట్టైలో 26 సెం.మీ. కాగా, కన్యాకుమారిలో 17.3 సెంటీమీటర్ల వర్షపాతం నమోదైంది.
రామ్ మందిర్ ప్రారంభోత్సవానికి మీకు ఆహ్వానం అందిందా? మీరు కూడా ఈ రూల్స్ పాటించాల్సిందే..
సోమవారం రోజు కూడా భారీ నుంచి అతి భారీ వర్షాలు కురుస్తాయని భారత వాతావరణ శాఖ (ఐఎండీ) హెచ్చరికలు జారీ చేసింది. కొమోరిన్ ప్రాంతంలో తుఫాను సర్క్యులేషన్ పరిస్థితిని మరింత తీవ్రతరం చేస్తోంది.
ముఖ్యమంత్రి ఎంకె స్టాలిన్ సోమవారం మంత్రులు, సీనియర్ అధికారులను సహాయక చర్యల కోసం చర్యలు తీసుకోవాలని తెలిపారు. ప్రతి బాధిత జిల్లాను పర్యవేక్షించడానికి ఒక సీనియర్ బ్యూరోక్రాట్‌ను నియమించారు. సహాయక కేంద్రాలు మరియు పడవలను హాని కలిగించే ప్రాంతాల్లో సిద్ధం చేయాలని మరియు అవసరమైతే ప్రజలను త్వరగా తరలించాలని శ్రీ స్టాలిన్ జిల్లా కలెక్టర్లను ఆదేశించారు.
50 మంది సభ్యులతో కూడిన రెండు నేషనల్ డిజాస్టర్ రెస్పాన్స్ ఫోర్స్ (ఎన్‌డిఆర్‌ఎఫ్) బృందాలు తిరునల్వేలి, టుటికోరిన్ జిల్లాలకు వెళ్లగా, కన్యాకుమారి జిల్లాలో మూడు స్టేట్ డిజాస్టర్ రెస్పాన్స్ ఫోర్స్ (ఎస్‌డిఆర్‌ఎఫ్) బృందాలను మోహరించారు.
అంతేకాకుండా ప్రభావిత జిల్లాల్లో 4 వేల మంది పోలీసులను మోహరించారు. మత్స్యకారులు 40 నుండి 55 కి.మీల వరకు అధిక గాలులు వీచే సముద్రంలోకి వెళ్లవద్దని గట్టిగా సూచించారు. ఈ నెల 3, 4 తేదీల్లో మిచువాంగ్ తుఫాన్ వల్ల కురిసిన భారీ వర్షాల కారణంగా వచ్చిన వరదల నుంచి చెన్నై, దాని చుట్టుపక్కల మూడు జిల్లాలు ఇప్పుడిప్పుడే కోలుకుంటున్నాయి. ఈ సమయంలో దక్షిణాది జిల్లాల్లో వరదలు ముంచెత్తాయి.
ట్యూటికోరిన్ వెళ్లే విమానాలను దారి మళ్లించారు. కొన్ని విమానాలు రద్దు చేశారు. వందే భారత్ రైలుతో సహా తిరునల్వేలికి వెళ్లే, బయలుదేరే 17 రైళ్లు పాక్షికంగా లేదా పూర్తిగా రద్దు చేయబడ్డాయి. భారీ వర్షాల కారణంగా తమిళనాడులోని కన్యాకుమారి, తూత్తుకుడి, తిరునల్వేలి, తెన్కాసి జిల్లాల్లో డిసెంబర్ 18వ తేదీ సోమవారం పాఠశాలలు, కళాశాలలకు సెలవు ప్రకటించారు.
తూత్తుకుడిలో భారీ వర్షం కురుస్తుండటంతో కోవిల్‌పట్టిలో రైల్వే సబ్‌వే నీటమునిగినట్లు ఏఎన్ఐ తెలిపింది. అదే విధంగా, కన్నియాకుమారిలో భారీ వర్షం కారణంగా నాగర్‌కోయిల్‌లో అనేక వీధులు జలమయమయ్యాయి. తూత్తుకుడిలో చెట్లు నేలకూలిన సంఘటనలు, వాహనాలు ధ్వంసమైన సంఘటనలు నమోదయ్యాయి.
తిరునల్వేలి, తూత్తుకుడి ఇన్‌ఫ్లో పెరగడంతో నీటి విడుదల పెరిగింది. తామిరభరణి నదికి ప్రజలు దూరంగా ఉండాలని కలెక్టర్లు తెలిపారు. ఇతర రిజర్వాయర్లలో కూడా నీటి మట్టాలు పెరిగాయి. వాతావరణ పరిస్థితులకు ప్రతిస్పందనగా, జాతీయ విపత్తు ప్రతిస్పందన దళం (NDRF) నాలుగు బృందాలను తూత్తుకుడి, తిరునల్వేలి, కన్నియాకుమారిలలో రెస్క్యూ ఆపరేషన్ లలో మోహరిస్తున్నారు. తమిళనాడు, కేరళలోని దక్షిణ జిల్లాలకు ఆది, సోమవారాల్లో భారత వాతావరణ శాఖ (ఐఎండీ) ఆరెంజ్ అలర్ట్ జారీ చేసింది.
క్లిక్ చేసి ఏసియా నెట్ న్యూస్ తెలుగు వాట్సాప్ చానెల్·ను ఫాలో అవ్వండి