బాణసంచా కర్మాగారంలో భారీ పేలుడు.. ఎనిమిది మంది మృతి ,13 మందికి  తీవ్ర గాయాలు 

తమిళనాడు కాంచీపురంలోని ఓ బాణసంచా ఫ్యాక్టరీలో బుధవారం భారీ పేలుడు సంభవించింది. ఈ ప్రమాదంలో ఇక్కడ పనిచేస్తున్న 8 మంది మృతి చెందగా, 13 మంది తీవ్రంగా గాయపడ్డారు. క్షతగాత్రులను చికిత్స నిమిత్తం కాంచీపురం జిల్లా ఆసుపత్రికి తరలించారు. ఘటనా స్థలానికి చేరుకున్న పోలీసు అధికారులు పేలుడుకు గల కారణాలు ఇంకా తెలియాల్సి ఉందన్నారు. 

కాంచీపురంలో భారీ అగ్నిప్రమాదం: తమిళనాడు కాంచీపురం జిల్లాలోని ఒక బాణసంచా ఫ్యాక్టరీలో మంటలు చెలరేగడంతో పేలుడు సంభవించింది, ఈ ప్రమాదంలో 8 మంది మరణించగా..27 మంది గాయపడ్డారు. కాంచీపురం జిల్లా యంత్రాంగం తెలిపిన వివరాల ప్రకారం.. ముగ్గురు వ్యక్తులు అక్కడికక్కడే మృతి చెందగా, ఐదుగురు వ్యక్తులు ఆస్పత్రికి తరలిస్తుండగా మార్గమధ్యలో మృతి చెందారు.

అదే సమయంలో కాంచీపురం కలెక్టర్ ఎం.ఆర్తి తెలిపిన వివరాల ప్రకారం.. జిల్లాలోని కురువిమలై గ్రామంలో బాణాసంచా ఫ్యాక్టరీలో పేలుడు సంభవించింది. ఈ ఘటనలో పలువురు గాయపడగా వారిని ఆస్పత్రికి తరలించారు. స్పాట్ క్లియర్ చేయబడింది. దీనిపై పోలీసులు మరింత దర్యాప్తు చేస్తారు. ఆ తర్వాత మరింత సమాచారం అందిస్తాం" అని ఆయన చెప్పారు. 

ప్రముఖ జాతీయ మీడియా కథనం ప్రకారం.. ఈ ఫ్యాక్టరీ యజమాని నరేంద్రన్ పేరుతో గుర్తించామని, కనీసం 25 మంది పని చేసేవారని పోలీసులు చెబుతున్నారు.అయితే, ఫ్యాక్టరీకి లైసెన్స్ ఉందా లేదా అనేది ఇంకా స్పష్టంగా తెలియలేదు.

క్రాకర్లను ఎండలో ఆరబెట్టేలా 

బాణాసంచా తయారు చేసిన తర్వాత వాటిని ఆరబెట్టేందుకు బయట ఎండలో ఉంచడంతో మంటలు అంటుకున్నాయని పోలీసులు చెబుతున్నారు. దీని తరువాత మంటలు చాలా వేగంగా వ్యాపించాయి, ఫ్యాక్టరీ లోపల ఉంచిన బాణసంచాకు కూడా మంటలు వ్యాపించాయి మరియు భారీ పేలుడు సంభవించింది.

స్థానికుల సాయంతో మంటలను ఆర్పివేసి.. 

ఈ ఘటన వెలుగులోకి రావడంతో స్థానికులు అక్కడికి చేరుకుని అగ్నిమాపక సిబ్బందిని సంప్రదించారు. దాదాపు 30 నిమిషాల పాటు 25 ఫైరింజన్లు మంటలను అదుపు చేశాయి. గోడౌన్‌లో చిక్కుకున్న కూలీలను రక్షించి కాంచీపురం  తరలించారు.