కాలేజీలో అడుగుపెట్టాలంటే.. గర్ల్ ఫ్రెండ్ ఉండాల్సిందే.. లేదంటే కఠిన చర్యలు
సారాంశం
యూనివర్శిటీ విద్యార్థులందరూ బాయ్ఫ్రెండ్, గర్ల్ఫ్రెండ్తో రావడం తప్పనిసరి చేశారు. ఈ నియమాన్ని ఎవరు పాటించకపోయినా కఠిన చర్యలు తీసుకుంటామని పేర్కొన్నారు.
రేపు కాలేజీకి వచ్చేటప్పుడు అబ్బాయిలంతా తమ గర్లఫ్రెండ్స్ ని.. అమ్మాయిలంతా తమ బాయ్ ఫ్రెండ్స్ ని కచ్చితంగా వెంట తీసుకొని రావాలి. అలా కనుక రాకపోతే.. కఠిన చర్యలు ఉంటాయి. ఇలాంటి స్టేట్ మెంట్ ఏ కాలేజీ అయినా ఇస్తుందా..? కానీ ప్రస్తుతం నెట్టింట ఓ కాలేజీ నుంచి ఇలాంటి సర్క్యులర్ వచ్చిందని ఓ లెటర్ వైరల్ గా మారింది. ఆ లెటర్ చూసినవారంతా షాకయ్యారు.
విద్యార్థుల తల్లిదండ్రులతోపాటు.. కాలేజీ యాజమాన్యం కూడా షాకయ్యింది. ఇంతకీ అసలు మ్యాటరేంటంటే...చండీగఢ్ యూనివర్శిటీకి చెందిన సీయూ మేనేజిమెంట్ నుంచి వచ్చిన ఒక లెటర్ ఇప్పడు సోషల్ మీడియాలో చర్చనీయాంశంగా మారింది. ఈ లెటర్లో ఎంతో ఆసక్తికర విషయం ఉండటమే దీనికి కారణం.
ఈ లెటర్లో పేర్కొన్నదాని ప్రకారం ఆగస్టు 13 తరువాత యూనివర్శిటీ విద్యార్థులందరూ బాయ్ఫ్రెండ్, గర్ల్ఫ్రెండ్తో రావడం తప్పనిసరి చేశారు. ఈ నియమాన్ని ఎవరు పాటించకపోయినా కఠిన చర్యలు తీసుకుంటామని పేర్కొన్నారు. ఈ లేఖ ఇప్పుడు సోషల్ మీడియాలో వైరల్గామారింది. కాగా యూనివర్శిటీ అధికారులు ఈ లేఖ విషయమై విచారించగా అది తప్పుడు సమాచారమని తేలింది.
దీంతో ఈ లేఖను రూపొందించిన విద్యార్థిని యూనివర్శిటీ నుంచి తొలగించారు. యూనివర్శిటీకి చెందిన స్టూడెంట్స్ వెల్ఫేర్ డైరెక్టర్ అరవిందర్ సింగ్ కంగ్ పేరుతో సీయూ లెటర్ హెడ్ మీద సదరు విద్యార్థి ఈ లెటర్ రూపొందించి, సోషల్ మీడియాలో వైరల్ చేశాడు. దీంతో అధికారులు విచారణ చేపట్టారు.