Kolkata: స్టేట్ ఆఫ్ గ్లోబల్ ఎయిర్ రిపోర్ట్-2022 ప్రకారం.. కోల్కతా ప్రపంచంలోనే అత్యంత కాలుష్య నగరంగా రెండవ స్థానంలో ఉంది. కోల్కతాలో వార్షిక సగటు 84g/m3 ఫైన్ పార్టిక్లేట్ మ్యాటర్ (PM2.5) ఉంది. అంటే ప్రపంచ ఆరోగ్య సంస్థ సిఫార్సు చేయబడిన సురక్షిత పరిమితి కంటే 17 రెట్లు ఎక్కువ.
State of Global Air report 2022: అడవుల నరికివేత, ప్రకృతి విధ్వంసం వంటి మానవ చర్యలతో పాటు యంత్రాలు క్రమంగా పెరుతుండటంతో భూమిపై కాలుష్యం సైతం క్రమంగా పెరుగుతున్నదని రిపోర్టులు పేర్కొంటున్నాయి. గాలికాలుష్యం కారణంగా అనేక జీవ జాతులతో పాటు మానవులపై తీవ్ర ప్రభావం పడుతున్నదని హెచ్చరిస్తున్నాయి. భారత్ లోనూ కాలుష్యం పెరుగుతున్న తీరుపై పర్యావరణవేత్తలు ఆందోళన వ్యక్తం చేస్తున్న సంగతి తెలిసిందే. ఈ క్రమంలోనే విడుదలైన ఓ నివేదిక భారత దేశ నగరాల కాలుష్యంపై ఆందోళన వ్యక్తం చేసింది. మరీ ముఖ్యంగా ఢిల్లీ, కోల్ కతాలలో (world’s most polluted cities) కాలుష్యం గణనీయంగా పెరుగుతున్నదని తెలిపింది. స్టేట్ ఆఫ్ గ్లోబల్ ఎయిర్ రిపోర్ట్-2022 ప్రకారం.. కోల్కతా ప్రపంచంలోనే అత్యంత కాలుష్య నగరంగా రెండవ స్థానంలో ఉంది. కోల్కతాలో వార్షిక సగటు 84g/m3 ఫైన్ పార్టిక్లేట్ మ్యాటర్ (PM2.5) ఉంది. అంటే ప్రపంచ ఆరోగ్య సంస్థ (డబ్ల్యూహెచ్ వో) సిఫార్సు చేయబడిన సురక్షిత పరిమితి కంటే 17 రెట్లు ఎక్కువ. ఇక మొదటి స్థానంలో దేశ రాజధాని డిల్లీ ఉండటం గమనార్హం. దేశ ఆర్థిక రాజధాని ముంబయి (Mumbai)14వ స్థానంలో నిలిచింది.
స్టేట్ ఆఫ్ గ్లోబల్ ఎయిర్ రిపోర్ట్ (SOGA)-2022 ప్రకారం ప్రపంచంలోని అత్యంత కాలుష్య నగరాల జాబితాలో కోల్కతా రెండవ స్థానంలో ఉంది. US ఆధారిత ఆరోగ్య సంస్థ, హెల్త్ ఎఫెక్ట్స్ ఇన్స్టిట్యూట్ (HEI) ప్రచురించిన నివేదిక ఈ విషయాలు వెల్లడించింది. కోల్కతా గాలిలో వార్షిక సగటు 84g/m3 PM2.5 గాఢతను కలిగి ఉంటుంది. WHO సిఫార్సు చేసిన సురక్షిత పరిమితి 5g/m3 కంటే ఇది 17 రెట్లు ఎక్కువ అని నివేదిక పేర్కొంది. ఇదే నివేదిక ప్రపంచంలోనే అత్యంత కాలుష్య నగరంగా ఢిల్లీని గుర్తించింది. ఎయిర్ క్వాలిటీ, అండ్ హెల్త్ ఇన్ సిటీస్ పేరుతో రూపొందించిన నివేదిక, అత్యంత హానికరమైన రెండు కాలుష్య కారకాలైన ఫైన్ పార్టిక్యులేట్ మ్యాటర్ (PM2.5), నైట్రోజన్ డయాక్సైడ్ (NO2)పై దృష్టి సారించింది. దేశంలో నత్రజని కాలుష్యం తీవ్రమైన సమస్య అయినప్పటికీ, భారత నగరాల్లో PM2.5 అతిపెద్ద కాలుష్య సమస్య. 2010 నుండి 2019 వరకు PM2.5లో తీవ్ర పెరుగుదలను నివేదించిన మొదటి 20 నగరాల్లో, వాటిలో 18 నగరాలకు భారతదేశం నిలయంగా ఉంది. మిగిలిన రెండు ఇండోనేషియాలో ఉన్నాయి.
ప్రపంచంలో అత్యంత కాలుష్య నగరంగా ఢిల్లీ (Delhi)
స్టేట్ ఆఫ్ గ్లోబల్ ఎయిర్ రిపోర్టు ప్రకారం PM 2.5 గాఢతలో ఢిల్లీ ప్రపంచంలోనే అత్యంత కాలుష్య నగరంగా నిలిచింది. బుధవారం విడుదల చేసిన ఈ నివేదిక 2010 నుండి 2019 వరకు ప్రపంచవ్యాప్తంగా 7,239 నగరాల్లో కాలుష్య మూలాల విశ్లేషణ ఆధారంగా రూపొందించబడింది. ఇది ఈ నగరాల్లో కాలుష్య బహిర్గతం, ప్రజలపై సంబంధిత ఆరోగ్య ప్రభావాలను ఎత్తి చూపింది. ఢిల్లీ గాలిలో PM 2.5 అత్యంత ప్రబలమైన కాలుష్యకారకం.. ఇది ఊపిరితిత్తులు, రక్తప్రవాహంలోకి ప్రవేశించగలదు. ఆరోగ్యంపై ప్రతికూల ప్రభావాన్ని కలిగిస్తుంది.