పాకిస్థాన్ గూఢచారితో రహస్య సమాచారాన్ని పంచుకున్న డీఆర్డీవో అధికారి అరెస్టు

Bhubaneswar: పాకిస్థాన్ గూఢచారితో రహస్య సమాచారం పంచుకున్న డీఆర్డీవో అధికారి అరెస్టు అయ్యారు. భారత రక్షణ రంగానికి సంబంధించిన రహస్య సమాచారాన్ని పాక్ గూఢచారితో  పంచుకున్నాడనే ఆరోపణలతో  57 ఏళ్ల డీఆర్డీవో అధికారి ఒడిశాలోని డీఆర్డీవో ఇంటిగ్రేటెడ్ టెస్ట్ రేంజ్ (ఐటీఆర్)లో విధులు నిర్వహిస్తున్నారని సంబంధిత వర్గాలు వెల్లడించాయి.

Sexual Gratification, DRDO Official Arrest: భారత రక్షణ రంగానికి సంబంధించిన రహస్య సమాచారాన్ని పాకిస్థాన్ గూఢచారితో పంచుకున్నందుకు రక్షణ పరిశోధన, అభివృద్ధి సంస్థ (డీఆర్డీవో) సీనియర్ అధికారిని శుక్రవారం అరెస్టు చేసినట్లు ఒడిశా పోలీసులు తెలిపారు. ఒడిశాలోని బాలాసోర్ జిల్లా చండీపూర్ లోని డీఆర్డీవో ఇంటిగ్రేటెడ్ టెస్ట్ రేంజ్ (ఐటీఆర్)లో విధులు నిర్వహిస్తున్నారు.

చండీపూర్ లో పీఎక్స్ఈ (ప్రూఫ్ అండ్ ఎక్స్పెరిమెంటల్ ఎస్టాబ్లిష్మెంట్), ఐటీఆర్ అనే రెండు డీఆర్డీవో టెస్ట్ రేంజ్ లు  ఉన్నాయి. ఈ రెండు రేంజిల్లో భారత్ తన క్షిపణులు, రాకెట్లు, గగనతల ఆయుధ వ్యవస్థల పనితీరును అంచనా వేస్తుంది. అయితే, ఐటీఆర్-చాందీపూర్ కు చెందిన ఓ సీనియర్ ఉద్యోగిని అరెస్టు చేశారు. క్షిపణి పరీక్షలకు సంబంధించిన సున్నితమైన సమాచారాన్ని విదేశీ ఏజెంట్ కు అందించార‌ని ఇన్స్పెక్టర్ జనరల్ ఆఫ్ పోలీస్ (తూర్పు రేంజ్) హిమాన్షు కుమార్ లాల్ తెలిపారు. చాందీపూర్ పోలీస్ స్టేషన్ లో ఫిర్యాదు మేరకు ఆ అధికారిని అరెస్టు చేసినట్లు తెలిపారు.

దీనిపై ద‌ర్యాప్తు జ‌రుగుతున్న‌ద‌నీ, పూర్తి స్థాయిలో విచారించిన తర్వాత ఆయ‌న పంచుకున్న సమాచారం వివరాలు తెలుస్తాయని బాలాసోర్ ఎస్పీ సాగరికా నాథ్ తెలిపారు. అతనిపై ఐపీసీ సెక్షన్ 120ఏ, 120బీ (నేరపూరిత కుట్ర)తోపాటు అధికారిక రహస్యాల చట్టం కింద కేసు నమోదు చేసినట్లు పోలీసులు తెలిపారు. లైంగిక, ఆర్థిక ప్రయోజనాల కోసం పాక్ ఏజెంట్ తో రక్షణకు సంబంధించిన సున్నితమైన సమాచారాన్ని పంచుకుంటున్నాడని పోలీసులు తెలిపారు.

నిందితుడి మొబైల్ ఫోన్లో వాట్సాప్ చాట్లు, అసభ్యకరమైన ఫోటోలు, వీడియోలు కనిపించాయని, వాటిని స్వాధీనం చేసుకున్నామని తెలిపారు. కాగా, 2021 సెప్టెంబర్లో ఐటీఆర్-చండీపూర్ కు చెందిన ఐదుగురు కాంట్రాక్టు ఉద్యోగులను మరో గూఢచర్యం కేసులో అరెస్టు చేశారు. 2015లో ఐటీఆర్-చాందీపూర్ కు చెందిన ఓ కాంట్రాక్టు ఉద్యోగిని ఇదే తరహా కేసులో అరెస్టు చేశారు. పాకిస్థాన్ ఐఎస్ఐతో సమాచారాన్ని పంచుకున్నందుకు 2021లో అతనికి యావజ్జీవ కారాగార శిక్ష పడింది.