వారాల ఆనంద్ కవిత : గడియ ముందో వెనకో
By Siva Kodati | First Published May 21, 2022, 8:44 PM ISTగడియ ముందో వెనకో తెల్లారక మానదు అంటున్న వారాల ఆనంద్ రాసిన ఆసక్తికరమైన కవిత ఇక్కడ చదవండి
గడియ ముందో వెనకో తెల్లారక మానదు అంటున్న వారాల ఆనంద్ రాసిన ఆసక్తికరమైన కవిత ఇక్కడ చదవండి :
గడియ ముందో వెనకో...
Latest Videos
undefined
అలసిన కళ్ళకు కొంత
ఉపశమనమిస్తూ రెప్పలు మూసుకు
పడుకున్నా
టిక్ టిక్ టిక్
కాలం నడిచి పోతూనేవుంది
కునుకు పట్టదు
నిద్ర రాదు
వాకిలి దాకా వచ్చి
గడపలో నిలబడిపోయిన
నిద్రను రా రమ్మని ఎవరు పిలవాలి
రాత్రా..చీకటా..
నడిచీ నడిచీ డస్సి పోయి వున్నా
రెప్పలు తెరిచే ఓపిక లేదు
చేతులు చాచే ఓరిమి లేదు
శిలలా పడుండి పోయా
చీకటీ రాత్రీ
నా రెండు వైపులా
తోడుగా నిలబడ్డాయి ఉపశమనంగా
నాలోపల రక్తం ప్రవహిస్తూనే ఉంది
శ్వాస సాగుతూనే ఉంది
ఏదీ ఎవరి కోసమూ
నిలబడదు
నడక సాగాల్సిందే
గడియ ముందో వెనకో
తెల్లారక మానదు
క్లిక్ చేసి ఏసియా నెట్ న్యూస్ తెలుగు వాట్సాప్ చానెల్·ను ఫాలో అవ్వండి