జోగు అంజయ్య కవిత: భూమాతకు ఒక ఉత్తరం
By telugu team | First Published Jun 2, 2021, 4:30 PM ISTమానవ సమూహం చేస్తున్న తప్పు తెలుపమంటూ కవి జోగు అంజయ్య భూమాతకు రాసిన ఉత్తరం ఇక్కడ చదవండి.
అమ్మా భూమాత
నాకు ప్రకృతి ఐనా ప్రపంచమైనా
నీ వే కదా పెద్ద దిక్కు
నవ గ్రహాలలో చల్లని తల్లివని
గొప్పగా చెప్పుకుంటిని
మరి ఎందుకమ్మా మా పైన
కరుణ లేని కరోనాను ప్రయోగించావు ?
తెలివిగల బిడ్డలుగా పుట్టించినందుకు
కృతజ్ఞతగా మెలిగితిమి
ముండ్ల చెట్లు పక్కకు జరిపి
పూల తోటలు పండ్ల తోటలు పెంచితిమి
సుందర వనాలుగా మార్చితిమి
Latest Videos
undefined
జీవ వైవిద్యమే జీవితమని
జూపార్కులు కట్టించితిమి
టైగర్ ప్రాజెక్టులు పెట్టించితిమి
పక్షులకు సాంక్చరీలు పెడితిమి
స్నేక్ పార్కులకు కంచెలిస్తిమి
మరి ఎందుకమ్మా మాకు
నీటి గండాలు
గాలి గండాలు
కరోనా గండాలు
మా ఉనికినే ఉరితీస్తున్నవు
మేము బతికేది ఎట్ల
మనిషిగా నిలిచేది ఎట్లా
మాలో ఏమి నచ్చడంలేదో
చెప్పమ్మా మార్చుకుంటాం
కాళ్ళు కారులో పెట్టామని
చేతులు కుర్చీపై పెట్టామని
కండ్లు కంప్యూటర్లో పెట్టామని
చెవులకు తాళ మేసి
నోటిలో చెత్తను వేస్తున్నా మని
బాధ పడుతున్నావా తల్లీ !
అత్యాశకుపోయి
ఆగమవుతున్న మనుషులను
దారిలో తెచ్చుకునుటకు
లాక్ డౌన్ పరిస్థితులు కల్పించావా ?
ఎనకటోడు ఎట్లా బతికిండో
ఇప్పటోడు ఏమి చేస్తుండో
పరిశీలిస్తున్నావా తల్లీ !!
చెప్పమ్మా చెప్పు
నీ ఆజ్ఞే మాకు మందు
నీ చూపే మాకు బతుకు.
క్లిక్ చేసి ఏసియా నెట్ న్యూస్ తెలుగు వాట్సాప్ చానెల్·ను ఫాలో అవ్వండి