శ్రీనివాస్ కట్ల తెలుగు కవిత: ఎదురీత
By telugu team | First Published Feb 25, 2021, 1:04 PM ISTవివాదలకు సుదూరంగా స్వేచ్ఛగా తిరగాడే ఓ సంకల్ప దీక్ష కావాలి అంటూ శ్రీనివాస్ కట్ల రాసిన కవిత చదవండి.
మౌనాక్షరి
అంతరంగమే
ఓ అంత్యాక్షరి
గజిబిజి కాలంలో
గందరగోళమైన
పరిస్థితులు భారమే
అభిరుచులు చంపుకొని
అందరినీ కలుపుకుపోవడం
కష్టసాధ్యమే ఇష్టాలను
విరిచేసుకొని కదలటం కష్టమే...
విలువైన మనసును
గాయపరిచే వారి నడుమ
వ్యవహరిస్తూ జీవించడం
సాహసోపేత చర్యే
మంచితనం వంచనతనంగా
మారుతున్న ఈరోజుల్లో
కలపుగోలుగా నడుచుకోవడం కష్టమే
పదిలంగా చూసుకుంటారనే
సగటు మనిషే కాటువేసే
ఖర్మలో ఉన్నాం మనం...
అందలం ఎక్కించేవారు
అనవసర నిందలతో కొందరు
బాధలలోకి నెట్టేవారే
వేదనలను అర్థం చేసుకొనే
నాథుడే లేడు సమాజాన
మనలో మనం సాగేపోవడమే
ఓ సాధనం అదే యాంత్రిక జీవనం
కుతంత్రాలకు దూరంగా
వివాదలకు సుదూరంగా స్వేచ్ఛగా
తిరగాడే నడకే ఓ సంకల్ప దీక్ష కావాలి...
క్లిక్ చేసి ఏసియా నెట్ న్యూస్ తెలుగు వాట్సాప్ చానెల్·ను ఫాలో అవ్వండి