మల్యాల మనోహరరరావు తెలుగు కవిత 'అల్లిక'
By telugu team | First Published Jul 3, 2021, 3:51 PM ISTపదాల అల్లికలోని అమృత గుళికలను మల్యాల మనోహరరరావు 'అల్లిక' కవితలో చదవండి.
ఒక్కొక్కసారి
పదాలు అలవోకగా
రంగవల్లులై
రాలిపడుతుంటాయి
ఒకసారి అలిగి
మెలికలుతిరిగి
అలివేణి జడపాయలై
హొయలుపోతుంటాయి
ఒకో సారి
పాలనురగలా
ముత్యాలను
మరిపిస్తుంటాయి
మరొకసారి
పక్షిగూడులా
అర్థంకాక
పరీక్షపెడుతుంటాయి
ఎప్పుడు మనిషి
పదాల అల్లిక
అలవర్చుకున్నాడో
ఏమోగానీ
పదాలు మనిషి
గుండె గదులైనాయి
జీవనగతులైనాయి
Latest Videos
undefined
పదాలు జానపదాలై
జలకాలాడాయి
ప్రబంధాలై
పల్లకీ నెక్కాయి
పాటలై వీణలు
మీటాయి
జావళీలై
నాట్యంచేశాయి
షాహరీలై షహనాయ్
వాయించాయి
కారుమబ్బులై
ఉరిమిచూసాయి
పిల్లగాలులైపలకరించాయి
పోరుధారలై పొంగి
ప్రవహించాయి
మల్లెపూలై
మరులుగొలిపాయి
పల్లెతనానికి
సొగసులద్దాయి
పడచుతనానికి
సిగ్గుతొడిగాయి
ప్రకృతిలో
అణువణువునా
అమ్మనుచూపాయి
అంతర్యామికి
ఆకృతులనిచ్చాయి
మనిషి అస్తిత్వానికి
తరతరాలుగా
ప్రతీకలైనాయి
పదాల అల్లిక
ఆత్మానందానికి
అమృత
గుళిక .
క్లిక్ చేసి ఏసియా నెట్ న్యూస్ తెలుగు వాట్సాప్ చానెల్·ను ఫాలో అవ్వండి