నేను మాత్రం మధించి శోధించి నాలుగు వాక్యాలు వ్రాస్తూనే ఉంటాను అంటూ హన్మకొండ నుండి మల్యాల మనోహర రావు రాసిన కవిత ' ఊహాలోకం ' ఇక్కడ చదవండి :
అతను ఎక్కడైనా
ఉండొచ్చు గాక
అతల వితల
రసాతల పాతాళంలొ ఎక్కడైనా
ఉండవచ్చుగాక
చరచార సృష్టి సంబంధిత
రాచకార్యములేవైనా చేయుచునుండవచ్చుగాక
నేను మాత్రం
మహాత్తరమైన
నా ఊహాలోకంలోనే
ఉంటాను...
మధించి శోధించి
నాలుగు వాక్యాలు వ్రాస్తూనేఉంటాను
ఆతని సృష్టిలొ
జననం మరణం
లయం ప్రళయం
ఉండొచ్చుగాక..
నా కావ్య సృష్టిలొ
ప్రమోదం ప్రభోదం
స్మృతి శృతి
అజరామరం