జ్వలిత తెలుగు కవిత: వెతకండి
By telugu team | First Published Oct 3, 2020, 12:53 PM ISTప్రజాస్వామ్యాన్ని పునరుద్దరించే ఔషధాన్ని ఎలా వెతకాలో జ్వలిత గారు తమ కవితలో ఎలా చెప్పారో చదవండి.
తపస్సు చేసినందుకు
తలలు నరుకుడు కొలువైన నేల
విలువిద్య నేర్చినందుకు
ఒప్పించి బొటనవేలు అడుక్కున్న గరిమ
Latest Videos
undefined
ప్రశ్నల పదును చెప్పినందుకు
బంధించి విషమిచ్చి చంపిన పాఠం మనది
చనుబాల నడిగి ప్రాణాలు తాగొచ్చని
నేర్పిన పురాణాల పూతన వైనం మనదే
మనసు విప్పినందుకు
ముక్కుచెవులు కోసిన ఘనమైన భూమి
పరస్త్రీల కామించే వెయ్యి కళ్ళనొదిలి
కన్నతల్లి తల నరికించిన తండ్రులున్న మనం
పరువు పేరున కులహత్యలు నేర్చిన వేటకొడవళ్ళతో నరికే కన్నవాళ్ళ మన్ను మనది
హోలిక దహనం పండుగ రంగుల్లో తడిసి
అ(హ)త్యాచారాలతో ఖాకులు అపరాత్రి దహనం
నాలుకలు కోసి నాభిని తవ్వి
నడుపుతున్న మారణ హోమంలో ఎన్నెముకలిరిసే పాల"కు"లహంకారాన్ని
కత్తిరించే రహస్య ఆయుధం ?
ప్రజాస్వామ్యాన్ని పునరుద్ధరించే ఔషధం ?
మీ వద్దే ఉన్నది వెతకండి
దొరికే వరకు వెతకండి.
క్లిక్ చేసి ఏసియా నెట్ న్యూస్ తెలుగు వాట్సాప్ చానెల్·ను ఫాలో అవ్వండి